Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 339 v | Next
pb 339 v

en aurons eu autre conseil." Le connestable
de rechief se mist a genoux et dist: "Treschiers
sire, la chose me touche de sy pres et tant
fort pensse au blasme et au dommaige que
le duc de Bretaigne m’a fait que bonnement
pour le present je n’en pourroye user. Et
l’office est grant, et couvient user de respon
dre et parler a toutes gens qui poursui
vent l’office, pourquoy je n’aroye pas ma
niere ne arroy de respondre ne de parler
ainsi comme il appartient. Si le vous
plaise a le reprendre pour y pourveoir
autre pour un temps. Tousjours suis je
en vostre commandement appareillié." "Or
bien, bien", dist le duc de Bourgoingne, "mon
seigneur, il offre asséz; vous en aréz adviz."
"C’est voir", dist le roy. Lors fist il lever le con
nestable, lequel se trait tout doulcement
devers le duc de Berry et le duc de Bour
goingne, advisiéz de remonstrer ces besoin
gnes et pour eulx infourmer justement
de la matiere. Car il en appartenoit a
eulx grandement ou cas que ilz avoient
le gouvernement du royaulme, mais
en parlant a eulx et en remonstrant
ses besoingnes et comment le duc l’avoit
demené, il s’apperceut bien que la chose
ne leur touchoit pas de sy pres que le roy
luy avoit respondu. Car en la fin ilz le
blasmerent grandement de ce que il estoit
aléz a Vennes. Il respondi que il ne s’en es
toit peü garder ne excuser. "Si feussiéz
bien", dist le duc de Bourgoingne, "ou cas
que vostre navie estoit preste et que che
valliers et escuiers vous attendoient
a Landriguier. Encores oultre, quant
vous eustes dedens Vennes esté et disné
avecques luy et vous feustes retourné
en vostre chastel ou bourch et que bien vous
en estoit pris, vous n’aviéz que faire de
plus sejourner ne d’aler veoir son chastel

a l’Ermine." "Monseigneur", dist le connes
table, "il me monstroit tant de beaulx
semblans que je ne luy osoie reffuser."
"Connestable", dist le duc de Bourgoingne,
"en beaulx semblans sont les decepcions.
Je vous cuidoie plus soubtil que vous
n’estes. Or aléz, aléz, les besoingnes ven
ront a bien. On y regardera par loysir."
Adonc laissa le duc de Bourgoingne le
connestable et reprist la parolle a son
frere de Berry. Bien apparceut le con
nestable que ces seigneurs luy estoient
plus durs et plus rudes que le roy n’es
toit, et que il n’avoit pas bien fait a
leur gre. Si se departy tout bellement
et tout quoyement du Louvre et s’en
vint a son hostel. La le vindrent veoir
aucuns seigneurs de Parlement et du
conseil du roy qui le reconforterent
et luy distrent que les choses venroient
bien. Et la vindrent devers luy pour
luy conseiller le conte de Saint Pol,
le sire de Coucy et l’admiral de France,
et luy distrent bien: "Connestable, ne
faittes nulle doubte, car vous en auréz
vostre rayson grandement du duc de
Bretaigne. Car il a fait contre la cou
ronne de France un tresgrant desplay
sir et en pourroit estre honniz et bou
téz hors de sa terre. Aléz vous esbatre
a Montlehery: vous serés sus le vostre, et
nous laissiés couvenir. Car les pers
de France en ordonneront, ne la chose
ne puet demourer ainsi." Le connes
table creut ces seigneurs et se depar
ty de Paris et s’en vint a Montlehery de
mourer et estre. Et vaca l’office de con
nestable un temps, et fut telle foiz que
on disoit que messire Guy de la Trimouil
le seroit connestable de France, mais
non fut. Il ne l’eust jamaiz prinse, tant pb 340 r