The Online Froissart

Facsimile mode Settings Browse | Collate

pb 33 v

jeunes chevaliers et escuiers montéz sur fleurs
de coursiers qui esperonnerent jusques
aux barrieres et demanderent joustes
de fers de glaives aux chevaliers et escuiers
qui dedens estoyent, maiz ilz ne furent
point respondu. Si tournerent arriere,
en esperonnant leurs coursiers et en
faisant grant semblant de vouloir faire
fait d’armes. ¶ Ce jour que le conte
de Boukinghem vint devant Saint
Omer a la veue de ceulx de la ville, il
fist chevaliers nouveaulx ceulx qui s’en
suivent. Et premierement messire
Raoul de Neufville, filz au seigneur,
messire Bertram ou Berthelemy Bour
sier, filz au seigneur, messire Thomas
Camois, messire Fouke Courbec, messire
Thomas d’Anghien, messire Raoul de
Pippes, messire Loÿs de Saint Aubin, et
messire Jehan Paullé. Cilz nouveaulx
chevaliers en leur chevalerie coururent la sus
les champs sur coursiers montéz et
vindrent courir jusques aux barrieres
et demanderent joustes et point ne
furent respondu, et retournerent pour
la doubte du trayt. Car ilz ne vouloyent
mie perdre leurs chevaulx. ¶ Quant
le conte de Boukinghem et les seigneurs
orent veü que les seigneurs de France
qui dedens Saint Omer estoient ne se
mettroient point aux champs a l’en
contre d’eulx, si passerent oultre moult
ordonneement et tout le pas et s’en vin
drent ce jour logier aux Esquelles entre
le chemin de Saint Omer et de Therouenne
et la se tindrent toute la nuyt et a l’an
demain ilz partirent et cheminerent
vers Therouenne. SHF 2-144 sync Comment le sire de
Saintpy et le sire de Fransures pour
suioient les Anglois. Et comment
les Angloys se contenoient saige
ment sur le paÿs.

Quant ceulx de le garnison de Bou
loigne, de Arde, de Tournehem,
d’Audrehem, de la Montoire, de Hames
et des chasteaulx de la conté de Bou
loingne et d’Artoys et de Guynes vi
rent le couvenant des Angloys que
ilz aloyent tousjours devant eulx
sans arrester, si signiffierent l’un
a l’autre leurs voulentés en disant
que il les feroit bon et honnoura
ble poursuir et que on y pourroit
bien gaingner et que gens d’armes
se doivent adventurer quant ilz
sentent leurs ennemis sur les champs
et en leur paÿs, si se cueillirent tout
et assemblerent dessoubz les pennons
du seigneur de Fransurez et du seigneur
de Saintpy deux moult vaillans
hardiz et entreprennans chevaliers et
se trouverent bien deux cens lances.
Si commencierent a coustier a fron
tier et a poursuir les Angloys, maiz
les Angloys se tenoient tout ensem
ble ne point ne se desroutoyent ne
on ne s’osoit bouter en eulx qui ne
vouloit tout perdre. Toutesfoiz cilz
chevalier et escuier françoys rataingnoy
ent a la foiz et ruoyent jus les four
ragieurs angloys, par quoy ilz estoient
plus ressoingné et n’osoient, mais
ly fourragieurs chevauchier ne aler
en fourrage fors en grant route, s’en
y avoit a la foiz des ruéz jus et pris
des uns et des autres, et puis fait
eschanges aux parçons telles comme
les faiz d’armes le demandent.¹⁰² ¶ Quant
le conte de Boukinghiem et son ost
furent partis, ilz chevauchierent ce
jour vers Therouenne et passerent
oultre sans riens faire. Car le sire
de Saintpy et le sire de Fransurez y
estoient et leurs routes. Sy vindrent pb 34 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.