pres des barrieres, chascun chevalier et escuier
leurs lances en leurs mains, et n’aloyent
que le pas et de six pas en six pas ilz se
arrestoient pour eulx mieulx ordon
ner et aler tous joins sans eulx ouvrir.
A voir dire, c’estoit belle chose du veoir.
Quant ilz furent la ou ilz vouloient ve
nir, ilz s’arresterent. Et puis s’en vindrent
tout de front faire aux barrieres armes.
Ilz furent reculléz de grant façon et par
bonne ordonnance, et croy bien que se ilz
feussent tous au plain sus les champs,
il y eust eu telles armes faittes qu’il
n’y ot point la, car la ilz ne pouoient
advenir les uns aux autres pour les
barrieres qui estoient closes et fermees.
La estoit arresté le mareschal de sa lan
ce sus messire Jehan de Chastel Mourant,
et il sus le mareschal, et se travailloient
pour porter dommaige l’un a l’autre.
Mais ilz ne pouoient, car ilz estoient
trop fort arméz; et messire Thomas de
Persy sus messire le Barroys, et messire
Mauburny de Linieres sus messire Guil
laume de Montigny, et messire Regnault
de Roye sus messire Jehan d’Aubrecicourt,
et le sire de Tailleboc sus messire Tristan
de la Galle. Et aussi chascun avoit son pa
reil, sy avant que ilz lançoient et escar
mouschoient de leurs lances. Et quans
ilz estoyent lasséz et travailléz ou trop
eschaufféz, ilz changoient pas et autres
chevaliers tant d’un cousté que d’autre reve
noyent frefs et nouveaulx et escarmous
choyent. La furent ilz en tel esbatement
jusques a la tierce toute haulte. Bien es
toit XI heures quant l’escarmousche
se cesse, et puis encores revindrent ar
chiers aux barrieres, mais les chevaliers
pour la doubtance du trait se departi
rent et ordonnerent arbalestriers, et les