The Online Froissart

Facsimile mode Settings Browse | Collate

pb 34 v

me veulst croire ainçoys que ilz ayent
paraccomply leur voyaige." Ainsi di
soit le sire de Coucy. Et le conte de Bou
kinghem et toute l’ost cheminerent ce
jour depuis que ilz furent partiz de
Archiers et passerent au dehors d’Arras
moult ordonneement et arreement
en ordonnance de bataille bannieres
et pennons ventelans et tant que ceulz
qui estoyent montéz es portes et es
clochiers les pouoyent bien advisier.
Si passerent ce jour tout oultre sans
riens faire et s’en vindrent ce jour lo
gier a Anes, et l’andemain a Mirau
mont et puis a Clari sur Somme¹⁰⁸. Car
ilz poursuivoient les rivieres. Quant
le sire de Coucy qui se tenoit a Arras
entendi que ilz prenoyent ce chemin,
si envoya le sire de Hangest a Bray sur
Somme et en sa compaignie XXX
lances, chevaliers et escuiers, et a Pe
ronne messire Jaquemes de Werthin,
seneschal de Haynault¹⁰⁹, et le seigneur
de Hanerech et messire Jehan de Roye,
messire Gerart de Marlieliez et des
autres chevaliers et escuiers du paÿs
la environ et il s’en ala vers Saint Quen
tin, et envoya le seigneur de Clary et
messire Tristam de Roye et messire
Guy de Honcourt a Han en Vermandois
dont il se tenoit ainsi que sires et pour
entendre a la ville et reparer. Car elle
est grande et estandue et mal fermee.
Sy ne vouloit mie que par sa negli
gence elle receust nul dommaige.
SHF 2-147 sync Comment le sire de Brumeu et ses
enfans furent pris des Anglois et
toute sa route. Et comment la gar
nison de Peronne qui fut rachacee
moult hastivement dedens leur ville.
La nuit que les Angloys se logie
rent a Clary sur Somme s’avisie

rent aucuns chevaliers de leur cousté telz
que messire Thomas Trivet, messire
Guillaume Cluton, messire Yon Filz
Warin par l’esmouvement du seigneur
de Warthin qui congnoissoit tout le
paÿs et qui sentoit le seigneur de Cou
cy a grans gens d’armes en la cité
d’Arras que ilz chevaucheroyent au
matin avecques les fourageurs
de l’ost assavoir se ilz trouveroyent
chose qui bonne leur feust. Car ilz
desiroyent a faire faiz d’armes. Ainsi
comme ilz l’advisierent, ilz le firent.
Et se partirent au matin environ
XXX lances, et firent les fouragieurs
chevauchier devant et chevaucherent
a l’aventure. Ce propre jour au matin
party et yssi d’Arras a grant route
le sire de Coucy, et print le chemin
de Saint Quentin. ¶ Quant ilz fu
rent sur les champs le sire de Bruneu
et si enffant, environ XXX lances,
yssirent hors de la route du seigneur
de Coucy, ainsi que ceulx qui desiroyent
les armes et qui demandoient adven
tures. Si se trouverent sur les champs
Angloys et Françoys, et virent bien
et apparceurent que il couvenoit que
ilz se veissent de plus pres. Si esperon
nerent tantost ly un contre l’autre
en escriant leur cry de premiere ve
nue, il en y ot ruéz jus des mors et des
bleciéz de l’une partie et de
l’autre. Et la, selon leur quantité, y ot
fait belles appertises d’armes, et se mi
strent tantost a pié l’un contre l’autre
et commencerent a pousser des lances.
La veyst on les plus fors et les plus ap
pers et les mieulx combatans et moult
bien se porterent l’une partie et l’autre,
et furent en cel estat environ une heure
tousjours combatant et poussant et pb 35 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.