The Online Froissart

Facsimile mode Settings Browse | Collate

pb 35 rXXXV

faisant d’armes ce que on en pouoit par
raison faire que on ne sceust a dire ne
ymaginer qui les veist, lesquelz en
aroient le meilleur, mais finable
ment la place demoura aux Anglois
et l’obtindrent et prinst de sa main
messire Thomas Trivéz le seigneur
de Brimeu et ses deux filz Jehan et
Loÿs, et en y ot pris la sus la place
environ XVI hommes d’armes, le de
mourant se sauverent ou furent
mors. Ainsi ala de ceste adventure
aux Angloys, et retournerent messire
Thomas Trivet et sa route en l’ost a
tout leur gaing et furent ly bien venu
du conte de Boukinghem et des autres,
ce fut raison. Si sejourna ly osts sus
la riviere de Somme en venant de Pe
ronne environ un jour et une nuyt
pour tant que ce jour ilz furent leur
monstré. Car ilz entendirent par leurs
prisonniers que le sire de Coucy estoit
a Peronne et avoit bien mille lances,
chevaliers et escuiers, si ne savoient se ilz
les vouldroyent combatre.
SHF 2-148 sync Le propre jour que on fist la mon
stré se bouterent hors de l’ost
avecques les fourrageurs et de l’avan
garde le sire de Warthin¹¹⁰ et Fierabras
le bastart, ses freres, messire Yon Fil Wa
rin et pluseurs autres, et s’en vindrent
courir jusques au Mont Saint Quentin
et la se tindrent en embusche. Car bien
savoyent que en Peronne qui estoit
la deléz, estoyent le seneschal de Hay
nault, le sire de Haverech et grant gens
d’armes, chevaliers et escuiers du paÿs, et
sentoyent le jeune seneschal oultre
cuidié et esperoient bien que il ystroit
hors, ainsi qu’il fist. Ceulx de l’advan
garde envoyerent courir dix hommes
d’armes devant Peronne, Thierry de

Soubmain, le bastart de Werthnng, Hugue
lin de Cavrelee, Hopekin Hay, et des aultres
lesquelz montéz sur fleurs de coursiers
s’en vindrent a l’esperon jusques aux bar
rieres de Peronne, le seneschal de Haynault
et ses gens qui la se tenoient, estoient
tous appareilliéz et firent ouvrir les
barrieres, et estoyent cinquante lances.
Et cuidierent ces compaignons coureurs
attrapper. Car ilz se mistrent en chace
sur les camps aprés eulx et ceulx a
fouir vers leur embusche et eulx aprés,
la chevauchoit le seneschal de Haynault,
son pennon devant luy, montéz sur fleur
de coursier. Quant ceulx de l’ambusche
virent comment les Françoys chaçoyent,
si en furent tous resjouys et descouvri
rent leur embusche, mais ce fut un peu
trop tost. Car quant le seneschal de Haynault,
le sire de Haverech et li autre les virent
venir et une grosse route et tous bien
montéz, ilz jouerent de le retraitte et la
sceurent chevaulx que esperons valloient.
Car quanque ilz pouoyent estachier, ilz
ne cesserent jusques ad ce que ilz furent
sur la chauscee et trouverent bien a point
les seigneurs les barrieres ouvertes.
Toutesfoiz, ilz furent de si prés poursuys
que il couvint demourer prisonniers
devers les Angloys des gens du seneschal,
messire Gerart de Marquillier, messire
Loÿs de Wartaing, cousin au seigneur
de Vertaing qui la estoit, Houart de la
Honuarderie, Beulhart de Saint Hylaire,
et bien dix hommes d’armes, et tous
ly autre se sauverent. ¶ Quant les
Angloys sceurent que le seneschal de
Haynault, le sire de Haveret, le sire de
Clary, messire Robert de Clermont, le sire
de Saint Digier et bien XX chevaliers avoyent
esté sur les champs et tous s’estoient sauvéz,
si distrent: "Dieux! quel rencontre! Se nous pb 35 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.