The Online Froissart

Facsimile mode Settings Browse | Collate

pb 36 v

logier es villages de sur Marne. A l’en
demain en la ville de Vertus, et la ot grant
escarmouche au chastel et grant foyson
de gens bleciéz, et se loga le conte de
Boukinghem en l’abbaye de Vertus, et li
autre par les villaiges environ. Si fut
la nuyt la ville de Vertus arse, horsmis
l’abbaye qui n’eust garde pour tant que
le conte y estoit logiéz, autrement elle
eust esté arse sans deport. Car ceulx
de la ville s’estoient retrait ou fort qui
point ne se vouldrent reançonner ne
rachater, et aussi les heraults de l’ost en
furent moult coulpable. Car ilz se plain
gnirent au conte de Boukinghem que
ilz portoient et faisoient tous les traittiéz
des rachas des fors a l’avantgarde et sy
n’en avoyent nul prouffit. Et au voir
dire il en appartenoit a eulx aucune
chose. Dont le conte, a la complainte de
eulx on commanda que on ardist tout
se des rachas a argent ilz n’avoyent leurs
drois. Par ainsi fut la bonne ville de Ver
tus toute arse et le paÿs d’environ. A l’en
demain on se desloga et vint on passer
pardevant le chastel de Moyemer qui
est bel et fort et heritaiges au sire de
Chastillon. Le chastel estoit bien pourveuz
de artillerie et de gens d’armes, chevaliers et
escuiers du paÿs que le sire Chastillon
y avoit envoyéz et establiz. Si ne se
peurent tenir aucuns compaignons
de l’avantgarde en passant devant que
ilz ne l’alassent veoir et assaillir a la
barriere et la ot une petite escarmous
che en aucunes gens bleciéz du traitt.
Si passerent oultre et vindrent logier
a Peloge en approuchant la cité de Troyes,
et la se tindrent ung jour. Et a l’ande
main ilz chevauchierent devers Planssy
sur Aube, et chevauchoit l’avantgarde
tout devant et y avoit aucuns com

paignons a qui moult annuyoit de
ce que ilz ne trouvoyent armes et
aucun prouffit, et si savoient bien
selon ce que on les avoit infourméz
que en la cité de Troyes avoit grant
foyson de gens d’armes et qui la ve
noyent de touz léz. Car le duc de
Bourboingne y estoit a tout grant
puissance, et la avoit fait son man
dement¹¹⁶. Sy s’avisierent le sire de
Chastel Neuf et Jehan de Chastel Neuf,
son frere, et Raymond de Saint Marsen,
Gascoingns, et autres Angloys et Hay
nuyers environ XL lances que ilz
chevaucheroyent a l’aventure pour
trouver quelconques chose. Si che
vaucherent ce matin d’une part
et d’autre et riens ne trouverent
dont ilz estoient tous ennuyez. Vers
leurs gens ilz regardent et voyent
une route de gens d’armes sur les
champs qui chevauchoient vers
Troyes, et c’estoit le sire de Hangest
qui voirement aloit ce chemin. Car
le sire de Coucy dessoubz qui il estoit
se tenoit a Troyes. Sitost que ces
Gascoings et Angloys virent le
pennon au sire de Hangest et sa
route, ilz congnurent bien que ilz
estoient françoys. Si commencie
rent a brochier aprés eulx chevaulx
des esperons. Le sire de Hangest les
avoit bien veuz, et doubta que il
n’y eust plus grant route que ilz
n’estoient. Si dist a ses gens: "Chevau
chons devers Plansi et nous sauvons.
Car ces Anglois nous ont descou
vert et leur grosse route est prés
de cy, nous ne les pouons fouyr ne
eschapper. Ilz sont trop contre nous,
mais mettons nous a sauveté ou
chastel de Plansi." Ainsi comme il le pb 37 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.