Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 370 v | Next
pb 370 v

sytost que ilz furent retournéz a leur
hostel, et furent delivréz de tous poins
depar les fourriers du roy et se depar
tirent de Medures et s’en vindrent gesir
a Villopés, et l’andemain ilz passerent
a Ville Arpent et disnerent, et puis par
tirent et vindrent gesir a Noye en Gal
lice, et l’andemain ilz vindrent a Aurenc
et treuverent le connestable.
SHF 3-212 sync Advenu estoit, endementres que ilz a
voient esté en ce voyaige, que un
des grans barons qui feust en la com
paignie du duc de Lancastre, et moult vail
lant homme, estoit mort, le sire de Fil Wa
tier, lequel avoit grant plainte, mais
contre la mort ne puet nul estriver. Si
luy furent faittes ses obsecques moult
honnourablement, et y furent le roy
de Portingal et le duc de Lancastre. Quant
les trois chevaliers furent revenuz en l’os
tel devers le duc de Lancastre, si recor
derent tout ce que ilz avoient trouvé,
et monstroient les lettres qui affermoient
leurs parolles. Les aucuns disoient que
elles estoient dures, et les autres res
pondoient que non estoient, mais moult
courtoises, a considerer parfaittement le
dangier ou ilz estoient. Ces nouvelles
s’espandirent tantost parmy l’ost que le
duc de Lancastre donnoit de bonne voulen
té congié a tous ceulx qui partir vouloient.
Ceulx qui se sentoient entechiéz de ma
ladie et affoybliz de corps et qui desiroient
a renouveller air se departirent du
plus tost qu’ilz porent et prindrent con
gié au duc et au connestable. Et a leur
departement on comptoit a eulx et esto
ient payéz en deniers comptans ou si
courtoisement respondu que ilz se contemp
toyent. Sy se departoient par compai
gnes et s’en alloient les aucuns vers

Ville Arpent, les autres a Ruelles, les
autres a Villoppés, les autres a Noye, les
autres a Medures de Camp, les autres
a Catesoris, les autres a Saint Fagon. Et
partout estoient ilz les bienvenuz et mis
a hostel, et escript des dappitaines des
villes par la fourme que je vous ay dit.
La greigneur partie des nobles se trayrent
a Ville Arpent pour la cause de ce que
elle estoit tout garnie et reamplie
de souldoiers estrangiers, Bretons,
Françoys, Normans et Poittevins, des
quelz messire Olivier du Glay Aquin estoit
connestable de Castille souverain. Enco
res se confioyent plus les Angloys en
ceulx que je vous nomme que ilz ne faiso
ient aux Espaignolz. En la fourme
et maniere que je vous dy se derompy
en celle sayson celle armee du duc de
Lancastre en Castille, et queroit chascun
son mieulx. Vous pouéz et devéz bien
croire que il anuioit grandement au duc
de Lancastre, et a bonne cause, car il ve
oit ses haultes emprinses et ymagina
cions durement reboutees et en dur par
ty. Et toutesfoiz, comme saige et vaillant
prince que il estoit il se confortoit asséz
bellement, car bien veoit que il n’en pou
oit avoir autre chose. Quant le roy de
Portingal vit que les choses se porto
yent ainsi et que leur armee estoit rom
pue, il donna a toutes manieres de ses
gens congié qui venuz l’estoient servir.
Et en retint environ trois cens lances,
et se departy de Aurench avecques le duc
de Lancastre qui s’en retourna, et sa
femme aussi, en la ville de Saint Ja
ques que on dit en Compostelle. Quant
le roy et le duc furent la venuz, le roy
y sejourna IIII jours, et au Ve il s’en
party a toutes ses gens qui accompaipb 371 r