The Online Froissart

Facsimile mode Settings Browse | Collate

pb 373 r

retraitte et passee, et que messire Jehan de Hollan
de estoit en Navarre, lequel en remenoit
la greigneur partie de leurs gens, et que entre
les Angloys avoit eue trop grant descon
fiture de mortuaire, et que son cousin le
duc de Lancastre gisoit moult malades en
la ville de Compostelle. Et ja couroit re
nommee en plusieurs lieux que il estoit mort.
Nonobstant toutes ces nouvelles, quoyque
il n’eust eu que faire en Espaigne, se il voul
sist, il passa oultre et s’en vint et signif
fia sa venue au roy de Castille, qui en fut
grandement resjouys et dist que pour luy re
cueillir il venroit a Burges en Espaigne,
une moult noble et poissant cité, si comme il
fist. Luy venu a Burges, il luy fist appareil
ler tresgrandement pour le duc recepvoir,
et la estoient deléz luy les aucuns de France
qui desiroient a veoir le duc de Bourbon. Sy
passa le duc Vallance et Sarragoce et
tous les pors, et entra en Espaigne
et vint a Burges. Si fut du roy et des prelas
et des seigneurs du paÿs grandement re
cueilliz. La estoient messire Olivier du Glay
Aquin, connestable de Castille, messire Gaul
tier de Passac et messire Guillaume de Lingnac
et messire Jehan des Barres et plusieurs autres chevaliers
de France qui tous avoient laissié leurs garny
sons pour venir veoir le duc de Bourbon, car
des Angloys ne des Portingallois ilz ne
savoient que faire de doubter. Et laissoient
ja en Gallice les plusieurs les villes et forte
resces que ilz avoyent conquises, car
bien savoient que contre la puissance des Fran
çoys ilz ne les pourroient tenir ou cas
que leurs gens estoient tous departis et
yssus de Gallice et retrait, l’un ça et l’autre
la, si comme vous avéz ouy recordez un
petit avant cy dessus en l’oistoire.
Nouvelles vindrent en Gallice que
le duc de Bourbon estoit venu en Espaigne

et avoit admené grant foyson de chevaliers de
France, et faisoit on en parlant la chose plus
grant que elle n’estoit, et plus grosse la
moittié. Sy se commença le paÿs grandement
a doubter que le duc de Bourbon ne voulsist
entrer a force ens, et tout reconquerir, maiz
pour ce que ilz sentoient encores le duc de Lan
castre deléz eulx, ce les reconfortoit. Les
nouvelles vindrent au duc de Lancastre que
son cousin le duc de Bourbon estoit venuz en Es
paigne et se tenoit a Burges deléz le roy.
Sy le signiffia tantost au roy de Portingal
en lui priant que il tenist ses gens ensemble,
car il ne savoit que les Françoys penssoient,
qui veoient a present le paÿs nu et despour
veu des Angloys. Le roy de Portingal obeÿ
pour les grandes aliances que ilz avoient ensem
ble et se departy de Luscebonne et s’en vint
a Connimbres et la se tint et fist son mande
ment parmy son royaulme. Et s’en vint jusques
a la cité du Port pour approuchier Gallice et
son beaupere le duc de Lancastre, qui n’es
toit pas encores en point de chevauchier
pour la grande maladie que il avoit eue, mais
il commençoit a guerir. SHF 3-216 sync ¶ Or vous parle
ray du duc de Bourbon qui se tenoit deléz
le roy de Castille et qui l’onnouroit ce que il pou
oit. Aussi faisoient les prelas et les haulx ba
rons de Castille. Vous devéz sçavoir que le
duc de Bourbon venu, il y ot plusieurs consaulx
pour sçavoir quelle chose ilz feroyent, ne
se ilz chevaucheroient en Gallice ou se ilz
se mettroient au retour. Le roy d’Espaigne
et son plus especial conseil des hommes de son paÿs
veoient asséz cler en ses besoignes, tant que pour
leur prouffit, car ilz disoient ainsi, quant ilz esto
ient ensemble, de la compaignie des Françoys: "Nostre
terre est toute gastee, mengee et foulee par
ces Françoys, quoyque elle en ait esté gardee.
Sy y avons nous trop prins de dommaige, pourquoy
bon soit que on remerciast le duc de Bourbon pb 373 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.