Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 375 r | Next
pb 375 r

les routes de leurs compaignons et puis
se departirent de Saint Fagon. Comment
le roy d’Espaigne et son conseil se tindrent
mal contemps des gens messire Guillaume
de Lingnach et de messire Gaultier de Pas
sac. Et comment le duc de Lancastre se par
ty de Saint Jaque et s’en ala a Bayonne, et
du conte d’Armignach qui mist grant
peine de traittier aux compaignes qui
estoient en Auvergne, en Rouergue,
en Quersin et en Limosin.
Les nouvelles vindres au roy de
Castille et lui fut ainsi dit que les gens
messire Guillaume de Lingnach et de
messire Gaultier de Passac avoyent cou
ru, robé et pillié la bonne ville de Saint Fa
gon et occis des citoyens par nombre bien
quatre cens, et puis bouté le feu en la
ville. Et luy fut encores dit que se les An
gloys l’eussent conquise de fait par as
sault ou autrement, ilz ne l’eussent point
sy villainement attournee comme elle
estoit. En ce jour et a celle heure y estoy
ent les deux chevaliers dessus nomméz qui
en furent grandement reprins du roy
et de son conseil. Ilz s’excuserent que, se Dieu
les peust aydier, de ceste adventure ne
savoient ilz riens, mais bien avoient
ouy dire a aucuns de leurs routes que
mal se contemptoyent de eulx, car quant
ilz passerent premierement et ilz entre
rent en Castille, ilz furent logiéz a Saint
Fagon; on leur occist leurs compaignons,
dont le mautallent leur estoit demou
réz ou cuer, "mais vrayement nous cui
dions que ilz l’eussent oublié." Le roy d’Es
paigne passa ces nouvelles; passer luy
couvint, car trop luy eust cousté se il le
voulsist avoir amendé. Mais il n’en sceut
pas meilleur gre aux cappitaines, et leur
remonstra; je vous diray en quoy. Au

partir, quant ilz prindrent congié du roy
pour retourner en France, se il feust bien de
eulx si comme on puet bien supposer, il les
eust plus largement payéz que il ne fist,
et bien s’en sentirent, car le duc de Bourbon
qui la estoit venuz, souverain chief et cappi
taine et qui premier c’estoit mis au retour
au bon gre du roy et de ses gens, il et les ba
rons et chevaliers de sa route en avoient porté
et levé toute la graisse. Or se widierent ces
gens hors de Castille par plusieurs chemins.
Les aucuns par Biscaye, les autre par Cas
telloingne et les autres par Arragon, et reve
noyent les plus des chevalliers et des escu
iers qui n’avoyent entendu a nul pillaige,
mais singullierement vescu de leurs gai
ges tous povres et mal monté, et les aucuns
qui s’estoient enhardy et avanciéz d’enten
dre au pillaige et a la roberie, bien montéz
et bien fourniz d’or et d’argent et de grosses
males. Ainsi est il de telz adventures: l’un
y pert et l’autre y gaingne. Le roy de Cas
tille fut moult resjouiz quant il se vit quit
tes de telz gens.
SHF 3-218 sync Or retournons un petit au duc de Lan
castre qui gisoit malades au lit en
la ville de Saint Jaques, et de la duchesce sa
femme et de Katherine leur fille. Vous
devéz bien croirre et ymaginer que le
duc n’estoit pas le plus de la nuit et du
jour sans annoy, et il veoit ses besoingnes
en dur party, sa bonne chevallerie morte
que il plaignoit, et plouroit si comme on pu
et dire tous les jours, et lesquelz a grant
peine il avoit eslevéz et mis hors d’Angle
terre, et sy n’estoit nulz ne nulle du royaul
me de Castille qui traittast envers lui pour
venir a paix par composicion ne qui voul
sist sa femme tenir a heritiere, ne luy en don
ner part ne partie. Mais ouoit dire par
ses gens qui estoient infourméz d’aucuns pb 375 v