The Online Froissart

Facsimile mode Settings Browse | Collate

pb 392 r

quant vous les verréz, que adventure
les delivre! Penséz vous que je vueille
mettre mon argent en tel exploittie?
Par ma foy, beaulx compaignons, nen
nil. Tousjours aray je des gens asséz
qui chevaucheront plus saigement
que ceulx n’avoient fait, car je ne de
livreray ne ne rachateray ja homme
s’il n’est prins en ma compaignie." Ce
fut la responce finable que ilz poront
lors avoir pour Geronnet. "C’est bon",
distrent ilz entre eulx, "que les deux ou
les troys retournent des nostres a Mont
ferrant et comptent ces nouvelles
a Geronnet, par quoy il ait sur ce advis."
Ilz le firent. Les trois retournerent a
Montferrant et retournerent aude
hors de Cleremont en Auvergne, pas
serent et abeuvrerent leurs chevaulx
au ru du moulin qui cueurt moult
pres des murs de la ville, et la se tin
drent un grant temps en l’eaue, regar
dans la maniere et ordonnance des
murs de Cleremont et comment ilz n’es
toyent pas trop haulx au monter ne
trop malaisiéz. "Ha! cap de saint Anthoi
ne", distrent ilz entre eulx, "comment
ceste ville de Cleremont est bien pren
able! Se nous y venions une nuit, nous
l’arions, voire, se ilz ne font trop grant
gait." Et puis distrent ilz tout en riant
et en leur gascoing: "Nous la barguignons!
Une autre foiz nous l’acheterons. On
ne puet pas achater et barguigner
tout a une foiz et a un jour." Ainsi passe
rent ilz oultre et chevauchierent jus
ques a Montferrant et trouverent Ge
ronnet et leurs compaignons, et leur
compterent comment et les parolles
et toutes les responces telles, ne plus

ne moins, que Perrot le Bernoys avoit dit
tes et parlees. Dont ilz furent tous esbahiz
et desconfit, car ilz ne pouoient ne savo
ient ou ailleurs trouver argent ne finan
ce, et furent un jour et une nuit tous cour
rouciéz. A l’autre jour s’avisa Geronnet
et dist a ceulx qui ces nouvelles avoyent
apportees: "Seigneurs compaignons, re
tournéz devers nostre cappitaine et luy dittes
depar moy que je l’ay a mon pouoir, tant
que j’ay esté deléz luy, servy bien et loy
aulment et serviray encores, se il lui plaist.
Et saiche depar moy que se je me tourne
Françoys pour moy delivrer, il n’y gain
gnera riens, ce que je feray trop enviz
et du plus tart que je pourray. Mais
dittes lui que il nous delivre de cy et un
moys aprés ma delivrance je le mettray
en tel party d’armes, s’en lui ne tient, ou il
gaingnera avecques ses compaignons
cent mille frans." Sus ceste parolle re
tournerent les trois compaignons gas
coings a Challuscet et trouverent Perrot
le Bernoys et lui compterent ces nouvel
les ainsi que Geronnet de Maudurant
lui mandoit. Il commença a pensser sus
et puis dist: "Il pourroit bien estre que il
seroit ainsi qu’il dit. Je le delivreray." Il fist
tantost ouvrir une husche ou il avoit
plus de XLM frans, et tous venoient de pil
laige, que vous l’entendéz, non pas de ses
rentes ne de ses revenues de Berne, car
en la ville ou il fut nez et ou il demouroit
quant il se party de Berne n’a que douze
maysons, et en est le conte de Foix sires,
et a nom la ville d’Adam, et sciet ycelle ville
a trois lieues d’Orcays. Perrot le Bernoys
fist compter devant luy XXIIC frans et
puis cent frans pour les fraiz des compai
gnons, et les fist mettre en une bourse pb 392 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.