et reclorre, et puis appella les trois com
paignons qui estoyent la venuz pour
querir l’argent. "Tenéz", dist il, "je vous de
livre XXIIIC frans. Au besoing voit on
son amy. Je les adventureray; il est bien tail
léz de les reconquerir, et autant ou plus
s’il veult." Les compaignons pristrent
l’argent et se departirent de Challuscet
et retournerent a Montferrant, et y a de
l’un a l’autre XXIIII grans lieues, mais
ilz avoyent bon saufconduit, cela les fay
soit aler, venir, passer et rapasser sauvement.
Quant Geronnet de Maudurant sceut
leur venue et que il et ses compai
gnons seroyent delivréz, si en fut gran
dement resjouyz et manda ceulx qui
depar messire Jehan Bonne Lance devoient
recepvoir l’argent, et leur dist: "Comptéz,
car veéz la tout ce que nous vous devons."
Ils compterent jusques XXIIC frans. A
prés ce ilz compterent de leurs menuz
fraiz a leur hostel et payerent bien et
largement, tant que tous s’en contemp
terent. Quant ilz orent partout payé,
Geronnet emprumpta et loua hommes
et chevaulx pour aler et eulx mener
et porter jusques a Challuscet, et Bonne
Lance fut certiffiéz de son argent. Sy
l’envoya querre, si comme je le croy, ou
il le laissa la. Aussi bien, espoir, sus la fian
ce du fort lieu lui puet il laissier que
messire Pierre de Giac, pour ce temps
chancellier de France, y faisoit son tre
sor, lequel il perdy en celle annee tout
ou en partie; a tout le moins ce que on y
trouva, si comme je vous diray. SHF 3-244 sync Quant
Geronnet de Maudurant fut retournéz
a Challuscet, les compaignons luy firent
bonne chiere, et aprés trois ou quatre
jours que il se fut la rafreschy, Perrot