ilz estoyent party le jour second devant, et
la destrousserent ilz leur pillaige et se ay
sierent de ce que ilz trouverent, et avoyent
bien de quoy, car il me fut dit ou paÿs
meismes que ilz orent de prouffit en ce voy
aige la valleur de cent mille frans et leurs
prisonniers. Seullement messire Pierre
de Giac, chancellier de France, y perdy en
or XXXM frans ¶ Moult bien furent con
seilliéz ces compaignons angloys et gas
coings de ce que ilz laissierent Montfer
rant en Auvergne si legierement, car se
ilz y feussent demouréz ne arrestéz deux
jours, jamaiz ne s’en feussent partyz fors
en grant dangier; espoir y eussent ilz mis
les vies. Car tout le paÿs d’environ, chevaliers
et escuiers, se mettoyent ensemble et y ve
noyent a poyssance pour y mettre le siege,
et telz que le sire de la Tour, le sire de Monta
gut, le sire d’Achier, le sire d’Açon, messire
Guichart Daulphin, messire Robert Daulphin,
marquis de Cavillach, messire Loÿs d’Au
biere, le sire de la Place, messire Ploustrart
de Castelus et le seneschal des Montaignes;
tout ne nulz ne demouroit derriere, et aus
si le conte daulphin s’esploit fort. Il eust la
esté sus deux jours, mais les nouvelles
luy vindrent comment ces Angloys et
Gascoings estoient retraiz en leurs fors,
et lui fut compté avecques tout ce toute
la besoingne. Quant il en sceut toute la
verité, il chevaucha a un petit plus a son ay
se et vint a Saint Poursain et de la a Mou
lins en Auvergne. Et la trouva la duchesce
de Bourbon sa fille qui avoit esté toute ef
frayee de ceste adventure. Toutesfoiz, quant
elle sceut que ilz estoient retraiz, quoyque
ceulx de Montferrant avoient receu grant
dommaige, elle se resjouy de ce que son pa
ÿs estoit plus asseuréz que devant, car ilz