Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 3 v | Next
pb 3 v

se party du roy et de Paris, et esploita tant
par ses journees qu’il vint a l’Escluse en
Flandres, et la s’arresta en attendant
vent et passaige, et y sejourna environ
XV jours. Car il avoit vent contraire.
En ce sejour il tenoit grant estat et
estoffé de vaisselle d’or et d’argent courant
parmy la salle aussi largement que se
ce feust ungs petits ducs, et faisoit porter
une espee devant lui toute engainnee
et enarmee tres richement d’or et d’ar
gent, mais bien estoit tout ce que ses
gens prenoient payé, du grant estat que
le chevalier menoit, tant en son hostel
que sus les rues, estoient pluseurs gens
de la ville esmerveilléz. Si fut adviséz
et regardéz du baillif de l’Escluse, qui la
estoit officier depar le conte de Flandres,
et tant que le baillif ne s’en pot taire,
dont il fist mal, si le vint signifier
au conte qui se tenoit pour le temps
a Bruges, et le duc de Bretaigne, son
cousin, deléz lui. Le conte de Flandres,
quant il ot un petit penssé, avecques
ce que le duc de Bretaigne y rendy
peine, ordonna que il fust la amenéz,
le baillif retourna a l’Escluse et vint
au chevalier du roy mal courtoisement.
Car il l’arresta de main mise depar
le conte, de quoy le chevalier fut moult es
merveilliéz que on lui demandoit,
et dist adonc au baillif que il estoit
chevalier messaige et commissaire du
roy de France. "Sire", dist le baillif,
"je le croy bien, mais il vous fault
venir parler au conte, et m’est com
mandé que je vous y mainne." Oncques
ne se pot le chevalier excuser que il n’en
feust menéz du baillif et de ses gens
a Bruges. Quant il fut venus en
la chambre du conte a Bruges, le
conte de Flandres et le duc de Bre

taigne s’appuioient tous deux a unes
fenestres sur les jardins. Adonc
se mist le chevalier a genoulx devant
le conte et dist: "Monseigneur, veéz
cy vostre prisonnier." De ceste parolle
fut le conte durement courrouciéz
et dist par grant despit et yreux:
"Comment, ribaulx, dis tu que tu es
mon prisonnier, pour ce que je t’ay man
dé a venir parler a moy? Les gens
monseigneur pueent bien venir de
vant moy, et tu ne t’es pas bien acqui
tiéz, quant tu as tant sejourné a l’Es
cluse et tu me savoyes si pres, et a moy
venir ne daignoies!""Monseigneur,"
respondi le chevalier, "saulve la vostre grace."
Adonc prist la parolle le duc de Bre
taigne et dist: "Entre vous, bourdeurs
et langaigeurs et vendeurs de bourdes
et de langaiges ou palais a Paris et
en la chambre de monseigneur, mettéz
le royaume a vostre voulenté et jouéz
du roy a vostre entente et en faites
bien et mal qui que vous vouléz, ne
nulz haulx princes de son sang, puis
que vous l’avéz enchargié en hayne,
ne puet estre ouys! Et on en pendra
encores tant de telz gens que ly gibets
en seront tous raemplis." Le chevalier,10 qui
la estoit a genoulx, fut tout honteux.
Car telz parolles a ouyr lui estoient
moult dures, et bien veoit que taire
lui estoit plus prouffitable que parler.
Sy ne respondy onques mot a ces
parolles et se dissimulla au mieulx
qu’il sceut et peust, et se departi de
la presence des seigneurs en prenant
congié quant il vit que heure fut,
aussi aucunes gens de bien qui estoi
ent deléz le conte, lui firent voye
et le menerent boire, depuis monta
a cheval le sire de Bournesel et retourpb 4 r