The Online Froissart

Facsimile mode Settings Browse | Collate

pb 400 v

je fus adoncques infourméz. SHF 3-256 sync Quant le
conte d’Estampes vit que il sejournoit la
en riens exploittant, sy se advisa que
il prendroit congié au duc et retourneroit
en France devers le duc de Berry qui la l’a
voit envoyé. Si prinst congié au duc; le duc
luy donna moult amyablement et luy
fist au partir presenter un tresbel pa
leffroy emblant ordonné, ensellé et ap
pareillié ainsy que pour le corps du
roy, et lui donna un annel et une pierre
dedens qui bien avoit cousté mille frans.
Ainsi se departy le conte d’Estampes du
duc de Bretaigne et se mist au chemin
et retourna par Angiers et la trouva
la royne et Jehan de Bretaigne son frere
qui moult desiroyent a ouyr des nou
velles, et luy dirent: "Beaulx cousins, vous
devéz avoir bien besoingné, car vous a
véz moult longuement demouré." Adonc
leur recorda il une partie de son exploit
dont la fin fut telle que il dist que il n’a
voit riens fait. Quant il ot esté deléz eulx
un jour, il prinst congié et se mist au che
min devers Tours, et fist tant par ses jour
nees que il vint en Berry et trouva le
duc de Berry a Meun sur Yevre, un moult
bel chastel lequel aussi il avoit fait nou
vellement ediffier, et encores y faisoit
il ouvrer tous les jours. ¶ Quant le
duc vit le conte d’Estampes revenu, il lui
fist bonne chiere et lui demanda des nou
velles de Bretaigne. Il lui recorda de point
en point, de clause en clause tout ce que
il avoit veü, ouy et trouvé, et lui dist bien
que ce duc de Bretaigne on ne pouoit brisier,
mais demouroit tousjours en France.
Le duc de Berry s’en passa asséz legiere
ment et bellement quant il vit que
autre chose il n’en pouoit avoir, et retour
na asséz tost en France devers le roy et

son frere le duc de Bourgoingne et leur
remonstra comment il avoit envoyé
pour traittier en Bretaigne devers le
duc son beau cousin le conte d’Estampes,
et quel chose il avoit exploittié et be
soingné. La chose demoura en tel estat,
quant on vit que on n’en pouoit autre
chose avoir. SHF 3-257 sync Comment aprés le depar
tement que le duc de Lancastre fist de
Gallice les Espaignolz et les Françoys
la reconquistrent en mains de XV jours
et comment Angloys qui avoient esté
en celle guerre diffamoient le paÿs de
Castille et de Gallice en leur paÿs et du
duc d’Irlande qui fut envoyé querre de
par le roy de France.
Vous sçavéz, si comme il est cy dessus
contenu en nostre hystoire, comment
la departie des Angloys qui estoient en
Gallice alléz avec le duc de Lancastre
se fist, et comment le duc, sa femme et sa
fille vindrent au Port de Portingal et la
se tindrent un temps deléz le roy Jehan
de Portingal et la jeune royne, fille au
duc de Lancastre, si comme vous scavéz.
Se il annuioit bien au duc, asséz y avoit
cause, car riens de son prouffit a celle
sayson il n’avoit fait en Castille, mais
son grant dommaige, ses hommes mors
en la mortalité, tous des meilleurs
chevaliers et escuiers de sa route. Et le paÿs
de Gallice, que en venant il avoit il a
voit conquesté a grant peine, il le ve
oit tout perdu et retourné devers le
roy de Castille. Car, sitrestost que il se
fut departis et rentréz en Portingal, et
que les Espaignolz virent, et les chevaliers
de France qui derrieres estoient demou
réz avecques le roy et messire Olivier
du Glay Aquin, le connestable de Castil
le, que il n’y avoit ens es Angloys ne ou pb 401 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.