Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 401 r | Next
pb 401 r

duc de Lancastre nulle recouvrance,
ilz entrerent en queste de reconquer
re a leur enqueste et aliance et obeys
sance le paÿs de Gallice, et ce fut tan
tost fait. Car ceulx des villes, des cités
et des chasteaulx de Gallice avoient
grant affeccion et plus a estre devers
le roy que devers le duc de Lancastre,
ou cas que il ne pouoit tenir les champs
ne le paÿs; car, si comme en Lombardie
et en Ytallie ilz ont de usaige, ilz ont en
Castille et disent: "Vive le fort! vive qui
venche!" Tout quanque le duc de Lan
castre avoit peü assembler de la Pas
que jusques a l’entree de juillet, tout
fut retourné et reconquis et rafres
chy de nouvelles gens, Françoys
ou autres obeyssans au roy de Castille.
Et les Angloys depar le duc, qui esto
ient demouréz en Gallice ens es cités
et villes et chasteaulx en garnison,
et qui bien et paisiblement se cuidoient
tenir et estre tout l’iver, en estoient bou
té hors ou doulcement ou autrement,
ou mort les aucuns qui se vouloient
tenir en leur force et teneure, et les au
tres qui veoyent tout mal aler s’en de
partoient par traittié, et on leur donnoit
saufconduit de rentrer en Portingal
ou de passer parmy le paÿs et retour
ner a Bayonne ou a Bourdeaulx. Et de
tout ce estoit bien infourméz le duc de
Lancastre, qui se tenoit en la cité du Port,
et sy n’y pouoit ne savoit aucunement
remedier, dont il avoit aucunes foiz des
angoysses et des grans desplaisances
au cuer, on ne doit pas croirre du con
traire, car tant plus est le sire haulx
et de grant noblesce et prudence, tant
luy font des desplances plus ameres,
quant ses besoingnes tournent sus le

pis. Ne cuident nulz il faisoit asséz bonne
chiere, et disoit a la foiz: "Or, se nous avons
perdue ceste annee, nous aurons par la
Dieu grace autre sayson pour nous. Les
fortunes de ce monde sont moult merveil
leuses, elles ne pueent pas tousjours estre
ouniies." D’autre part aussy le roy de Por
tingal le reconfortoit ce qu’il pouoit et lui
disoit: "Sire, vous vous tendrés ycy en ceste
terre et escriprés vostre parfait estat a
voz freres en Angleterre et a voz amys,
quoyque ilz en saichent asséz, et sus le
mars qui retourne, ilz vous envoyeront
cinq ou six cens lances et deux mille
archiers. Je remettray d’autre part mon
pouoir ensemble, car mon pouoir et mon
pueple est de bonne voulenté a faire guer
re en Castille. Sy leur ferons une bonne
guerre: une saison advient que un paÿs
se pert, et l’autre se reguaingne." Le duc
de Lancastre qui oyoit le roy de Portingal
parler, prennoit en grant gre toutes ces
parolles et luy disoit grant mercys. Et
toutesfoiz, quoyque le roy feust son filz,
car il avoit sa fille, et que il luy desist ce
de bonne voulenté et que le duc y pouoit
bien adjouster foy, fait et creance, il ne lui
descouvroit pas tout son couraige, car
bien savoit que en Angleterre estoit en
tourble et le paÿs en grant different, et
avoient les seigneurs a plusieurs cho
ses a entendre, tant pour la frontiere du
royaulme d’Escoce qui moult leur touchoit
que au duc de Bretaigne qui estoit en
grans traittiéz envers eulx; et que a trop
grant peine, quant il se departy d’Angle
terre, il avoit eu celle charge et armee
de gens d’armes et archiers. Se n’estoit pas
son entencion, car bien congnoissoit des
Angloys qui derechief y deust estre confor
téz, car bien sentoit que le royaulme d’Anpb 401 v