Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 404 r | Next
pb 404 r

dement du parler, et pesoient bien ce voy
aige que le roy vouloit faire. Sachiéz
que, se il se feust trop plus tost avanciéz
que il ne fist, se on ne doubtast le venin
qui pouoit naistre et venir de Bretaigne
et du duc, tout ce le retardoit trop gran
dement, et bien avoit on cause de le doub
ter, car le duc de Bretaigne qui estoit in
fourméz de ses deffiances du duc de Guer
les, et aussi de la ymaginacion que le jeu
ne roy Charles avoit d’aler en Allemai
gne, n’attendoit autre chose que se feust
mis au chemin et party hors du royaul
me. Il avoit ordonné, et estoit tout conclud,
entre luy et les Angloys que il eust bou
téz les Angloys en son paÿs, et ja avoit
il par ses soultilz tours attrait a luy et
a son accord la greigneur partie des corps
des bonnes villes de Bretaigne, et especi
aulment Nantes, Rennes, Vennes, Lantri
guier, Guerlande, Lamballe, Saint Malo
ne Saint Mahieu de Fine Posterne, mais
le corps des nobles ne pouoit il avoir.
Or ymaginoit il que ceulx s’en yroyent
avecques le connestable en Allemaigne,
sy en seroit sa guerre plus doulce et plus
belle. Et faisoit le duc de Bretaigne ses vil
les et ses chasteaulx grandement pour
veoir de toutes choses qui a guerre pouo
yent appartenir, vivres et artilleries, et
monstroit bien que il s’enclinoit plus a la
guerre que a la paix. D’autre part il a
voit aussi grans alliances a son serourge
le jeune roy Charles de Navarre, et le roy
a luy, car le duc luy prommettoit que, se
il pout venir a ses ententes et que il tenist
poyssance de gens d’armes et d’archiers
d’Angleterre sus les champs, il les men
roit tout droit en Normandie et recouvre
roit de primeface toutes les villes et les
chasteaulx que le roy Charles de France,

oncles de ce roy de Navarre, lui avoit pris
et fait prendre par ses gens, le seigneur
de Coucy et autres. Sus cest estat avoit le roy
de Navarre grant esperance, et en tenoit on
double amour le duc de Lancastre qui sejour
noit en la cité de Bayonne; et avoit entre eulx
grans alliances, et de toutes ces choses on
vit les apparances, si comme je vous diray
SHF 3-260 sync En l’an de grace Nostre Seigneur mil CCC
IIIIXX et VIII, le VIIe jour du moys d’avril,
fut conclud, arresté et ordonné au conseil du
roy d’Angleterre et de ses deux oncles, le duc
d’Yorth et le duc de Glocestre, que le conte Richart
d’Arondel, tous en chief et souverains de une
armee par mer ou il auroit mille hommes
d’armes et trois mille archiers, se trairoient
a Hantonne, et la seroit le XVe jour du moys
de may, et il trouveroit sa navie toute preste,
chargee et appareillee. Et la a ce jour devoient
estre en la marche tous ceulx qui avecques
lui estoient et devoient aler en ce voyaige. Et
tint le roy d’Angleterre, le jour saint George
ensuivant une tresgrant feste ens ou chastel
de Windesore, et la furent, ou en partie, les chiefs
des seigneurs qui avecques le conte d’Arondel
devoient aler en ce voyaige, et prindrent la
congié au roy et a ses oncles, a la royne et aux
dames. Sy furent a Hantonne ou la pres au
jour qui ordonné estoit, et entrerent en leurs
vaisseaulx le XXe jour de may, que il faisoit
tresbel et tresjoly. La estoient le conte d’Arondel,
le conte de Nortinghem, le conte de Douvesiere,
messire Thomas de Persy, le sire de Cliffort, mes
sire Jehan de Warvich, messire Guillaume de
la Selee, le sire de Cameulx, messire Estienne
de Libery, messire Guillaume Helmen, mes
sire Thomas Mouriaulx, messire Jehan d’Au
brecicourt, messire Robert Scot, messire Loÿs
Clinbo, messire Pierre de Montbery, messire
Thomas Coq, messire Guillaume Paulle et
plusieurs autres; et estoient de bonnes gens pb 404 v