The Online Froissart

Facsimile mode Settings Browse | Collate

pb 404 v

d’armes mille lances, et trois mille archiers
ou environ, et ne menoit nulz chevaulx,
car ilz esperoient que, se les choses venoient
a leur entente, ilz venoient a leur entente,
ilz entreroyent en Bretaigne et la se rafres
chiroyent et y trouveroyent des chevaulx
asséz a bon marchié pour eulx servir. Et
faisoit ce jour que ilz desancrerent de Han
tonne sy quoy et sy sery que la mer estoit
aussi paisible que tout a l’oingny. Sy vin
drent le second jour en l’isle de Wisque et
la s’esbatirent, tant que vent leur revint.
Sy rentrerent en leurs vaysseaulx et
puis tournerent vers Normandie, et ne
tiroyent a prendre terre nulle part fors a
frontier les terres de Normandie et de Bre
taigne, tant que autres nouvelles leurs
vendroyent; et avoyent en leur armee vais
seaulx que on appelle ballenniers coursiers,
qui frontioyent sus la mer et vouloyent de
vant pour trouver les adventures, ainsi que
par terre aucuns chevaliers et escuiers montent
sus fleurs de coursiers, volent devant les
batailles et chevauchent pour descouvrir
les embusches. SHF 3A-261 sync ¶ Nous nous souffrerons
a parler un petit de ceste armee et nous ra
freschirons des besoingnes de Guerles et
de Braibant, et compterons comment le sie
ge fut mys devant Grane. Comment les
Braibançons mistrent le siege devant la vil
le de Grane et comment le comment le con
nestable de France prinst Saint Malo et
Saint Mahieu de Fine Posterne et y mist
gens en garnison depar le roy et comment
le duc de Lancastre se tenoit a Bayonne.
Si comme je vous ay ycy dessus contenu
et esclarcy des anciens ducs de Guerles
comment l’ainsné du duc de Guerles dont je
traitte presentement se maria a la fille
Bertault de Malignes pour luy oster de dan
gier et rachater son heritaige qui grandement

estoit entouilléz et empeschiéz. Et le duc de
Guerles, filz au duc de Juillers, pour entre
tenir la ville de Grane sus les Braibançons
et que il y eust cause et juste tiltre, regar
da, quant il vit que il ne pouoit ravoir les
trois chasteaulx dessus nomméz seans
sus la riviere de Muese, Gaugelch, Buch
et Mille, qui jadiz avoient esté de l’eritaige
tresfoncier du paÿs de Guerles, que il attri
bueroit la ville de Grane a son heritaige
perpetuellement. Et avoit ce duc une sien
ne fille bastarde donnee et mariee au da
moysel de Kuk, lequel sire de Kuk estoit
heritier de la ville de Grane; si fist un trait
tié amyable ainsi comme entre le pere et
le filz ne doit avoir nul moyen, et lui don
na le damoisel de Kuk la ville et seigneu
rie de Grane et l’en aherita, present les che
valliers de Guerles et de Juillers et le
duc de Guerles. Pour celle cause le recom
pensa de la terre et seigneurie de Boesde
seans sus la riviere de Lighue en la dus
chié de Guerles marchissans sus le paÿs
de Hollandes bien en sus de Braibant. A cel
le ville de Boesde append un tresbel chastel,
et est une bonne grosse ville et de grant
prouffit, mais Grane vaulst mieulx. Et
le fist le duc de Guerles ainsi sus l’entente
que de avoir juste cause et tiltre de obte
nir la ville a l’encontre des Braibançons.
La duchesce de Braibant et les Braibançons
disoient que anciennement les seigneurs
de Kuk l’avoyent tenue par gaige, et que
tontes et quantesfoiz que il leur plairoit,
ou a leurs hoirs, ilz la pouoyent rachater,
et le duc de Guerles disoit que non. Pour ce
s’esmeut la guerre et le mautallant, et
vindrent en celle sayson ou moys de may
mettre le siege les Braibançons devant
la ville de Grane, barons, chevaliers et escuiers
et poissance des bonnes villes de Braibant pb 405 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.