The Online Froissart

Facsimile mode Settings Browse | Collate

pb 418 v

et en fut le paÿs tout effrayéz dela la rivi
ere de Loire et deça, et jusques a la conté de
Bloys et en Touraine, car on ne pouoit
sçavoir ne ymaginer que ces deux ar
mees qui se tenoient sus les champs a
voient empensé a faire. Les aucuns diso
ient que la chose se tailloit que ilz se de
voient touner ensemble, mais non fy
rent, car l’armee de mer se retrairent
si comme je vous ay dit, et aussy firent Per
rot le Bernoys et sa route. ¶ Quant ilz
orent grandement pillié le paÿs et gain
gnié, ilz orent conseil de eulx retraire
en leurs chasteaulx et mettre a sauve
té tout ce que ilz avoient conquis et gain
gné sus ce chemin. Sy reprindrent le
chemin d’Auvergne, et s’en alerent les
uns a Aloise, les autres a Ousach ou a Car
lac, et Perrot le Bernois se retraist a Chal
luscet. Sy n’y ot plus fait d’armes ne de
chevauchees pour celle saison en Auver
gne ne en Limosin, car les trieves vindrent
pardela la riviere de Loire qui devoient
durer, si comme elles firent, jusques
au moys de mars. Mais tousjours se te
noit le siege devant Ventadour de mes
sire Guillaume de Lingnach et de messire
Jehan Bonne Lance, de messire Jehan Bou
tillier et des autres, car Gieuffroy Teste
Noire estoit bien sy orgueilleux que il
ne faisoit compte de nulles trieves, ne
de paix ne de respit, et tout sus la fiance
de son fort lieu. ¶ Nous nous souffre
rons a parler du siege de Ventadour et
de dire la fin, quelle il la prinst, tant que
point et temps sera, et nous rafreschy
rons d’autres nouvelles, c’est a entendre
des besoingnes de Braibant et du paÿs de Guerles.
SHF 3A-276 sync Vous savéz, si comme il est contenu y
cy dessus en ceste histoire, comment la
duchesce de Braibant estoit aherse a guerre

faire au duc de Guerles, et faisoit le siege
tenir devant la ville de Grane, et y estoy
ent a puissance chevaliers et escuiers de Brai
bant et les bonnes villes, et estoit telle
leur entencion que point du siege ne
partiroient, sy aroient leur voulenté
plainement de la ville de Grane; et pour
mieulx monstrer que la besoingne estoit
sienne la duchesce se tenoit en la ville
du Bois le Duc a quatre lieues pres. Sy
estoit l’ost de Braibant plantureuse de
tous biens, de vivres, de biens, de vins
et d’autres choses, car ilz estoient souvent
rafreschiz de nouvelles pourveances
qui leur venoient de tous lez, tant par
la mer et par la riviere de Muese que
par le paÿs de Braibant. Sy fut le sie
ge la moult longuement tenuz, et avo
ient les Braibançons drecié grans en
gins devant la ville qui gettoient pierres
de faiz et mangonneaulx jusques en la
ville, et la ou elles cheoient ilz y portoient
grant dommaige. Avecques tout ce,
pour empunaisier les hommes et les
femmes de la ville, ilz leur faisoient
getter par leurs engins toutes les cha
roingnes mortes de l’ost, qui leur gre
voit grandement, car il faisoit chault
et estoit l’air tous quoys et tous corrom
pus en la ville de celle punaisie. A la
foiz chevaliers et escuiers de Braibant s’en ve
noyent aux barrieres escarmous
chier a ceulx de la ville, et la estoient fai
tes plusieurs appertises d’armes, car
il y avoit en la ville de Grane en garni
son depar le duc de Guerles d’appers com
paignons qui ne se faignoient mie de
monstrer prouesce quant la besoing
ne touchoit; et on les approuchoit de sy
pres que devant leurs barrieres. Et
dura ce siege en l’esté moult longuement. pb 419 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.