du ruer jus, mais il est bien la leur
de nous y ruer." La s’assemblerent autour
du duc aucuns chevaliers et lui conseille
rent que ilz se trayssent a Grane. Il dist
que il n’en feroit riens et que ja il ne
s’enclorroit en ville que il eust, mais
yroit ferir emmy ses annemis, et lui
disoit son couraige que il les desconfiroit,
"Car comment?" disoit il, "trop mieulx va
ult mourir a honneur que vivre en blas
me! Nous ruerons jus noz annemis; sy
arons a ce jour d’uy prouffit et honneur
tresgrant." Et puis dist de grant voulenté:
"Avant, avant qui m’aime, si me suive."
Aeste parolle que le duc dist rencou
raiga grandement toutes ses gens
et par especial ceulx qui l’avoient ouy,
et monstrerent tous par semblant que
ilz feussent en grant voulenté de com
batre et tous confortéz de courir sus leurs
annemis qui approuchoient. Si estrain
gnirent leurs plattes et avallerent les
visieres de leurs bacinés et restraingnirent
les cengles de leurs chevaulx et se mis
trent en bon arroy et tout en une brouse,
et chevauchierent tout le pas pour avoir
leurs chevaulx plus frefs et plus fors
a l’assembler; et la furent faiz aucuns
chevaliers nouveaulx qui se desiroient a avan
cier et chevauchierent en tel arroy en
bon couvenant devers Reinestain. Ja
estoient tous oultre les Braibançons
et grant foyson des communaultéz des
bonnes villes. Nouvelles vindrent au
seneschal de Braibant et aux chevaliers que
le duc de Guerles estoit sus les champs
et si pres que il venoit sus eulx, et tantost
l’aroyent. Ceulx a qui les premieres
nouvelles vindrent furent moult esmer
veilléz de l’adventure et cuidierent bien
et de verité que le duc de Guerles, pour un pb 420 v