voyent ilz puissance de parler ne de
dire "Recueilléz tout, car nous sommes
tous desconfiz, ne en nous n’a nul re
couvrier." ¶ Quant ceulx des logeys
entendirent la verité de la besoingne
et ilz virent leurs gens en tel party,
si furent tous espouentéz, et n’eurent
pas les plusieurs loisir ne poissance
d’entendre a prendre le leur ne au des
logier leurs tentes, leurs trefs ne
leurs paveillons, ne du trousser ne
mettre a voitture, mais se departoient
le plus sans dire adieu, et laissoient
tout derriere, car ilz estoient sy effrayéz
que nulle contenance d’arroy ne de
ordonnance ilz n’avoient, ne de recou
vrier ne monstroient, ne n’avoit en
eulx vitaillier ne voitturier qui ne
laissassent leurs chars, leurs sommiers
et leurs pourveances et montoient
sus leurs chevaulx et se mettoient
a sauveté et s’enfuioient vers le Bos
le Duc ou vers Housdem ou le Mont
Saintte Getrux ou Dourdrech, ilz n’avo
ient cure ou, pour eulx sauver et es
loingner leurs annemis. Et se ceulx
de Grane, les hommes de la ville et
ceulx qui si tenoyent en garnison de
par le duc de Guerles, eussent sceu tem
pre asséz la desconfiture qui se faisoit
sus les Braibançons, ilz eussent gran
dement fait leur prouffit et en eus
sent beaucoup ruéz jus et rataint,
mais point ne le sceurent jusques
a bien tart, nonobstant que ilz yssirent
hors. Ilz trouverent grant foyson de
tentes, de trefs, de pavillons et de pour
veances d’engins dreciéz, de canons
et d’artillerie, et tout recueillirent
et ramenerent en leur ville a grant
loisir, car nulz ne leur deveoit ne a