Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 421 v | Next
pb 421 v

les mors et qui avoit esté entre les batail
les. Entre les mors y fut occis en beau fait
un jeune chevalier de la conté de Namur qui
s’appelloit messire Watiers de Zelles, sire
de Balastre, de laquelle mort et adven
ture le duc de Guerles, quant on lui comp
ta, fut trop durement courrouciéz; et
bien le monstra et dist que la mort du
jeune chevalier lui desplaisoit grandement,
car il estoit gracieux homme, abille, cour
tois et jolys, et aussy le chevalier l’annee devant
avoit esté en Pruse avecques le duc en
sa compaignye, pourquoy de la mort de
lui il en fut plus tendres. Or regar
derent le duc et ses gens, et tout sus les
champs, et orent conseil et advis quel
chose ilz feroyent et se ilz s’en yroient
a Grane pour eulx rafreschir et la met
tre leurs prisonniers. "Nenil", dist le duc,
"je me vouay et donnay au departement
de Nymaye, et suis vous et donnéz huy
au commancement de la bataille a Nostre
Dame de Nimaye. Sy vueil et ordonne
que tout a liee chiere retournons cel
le part et aillons veoir la dame qui nous
a hui aydié a avoir la vittoire." Ce conseil
fut tenuz, nul ne l’eust brisié puisque
le duc avoit parlé. Sy se mistrent au
chemin et chevauchierent les grans
gallos vers Nimaye. Il n’y avoit que II
bonnes lieues de la ou la bataille avoit
esté; lantost l’approuchierent. Quant les
nouvelles furent venues a Nimaye
et la verité de la besoingne, dont veyssiéz
vous resjouyr hommes, femmes et en
fans, et clergié yssir a l’encontre et venue
du duc et de leurs gens et recueillir a
grant joye. Le duc de Guerles, accompai
gné de ses chevaliers, sans tourner d’autre part
s’en vint tout droit en l’eglise ou celle y
maige de Nostre Dame est, ou il avoit et a grant

confiance, et la devant l’autel en la
chappelle se desarma de toutes ses pie
ces et se mist en pur son pourpoint, et
donna toutes ses armeures a l’imai
ge en lui remerciant et regraciant
de la belle journee que il avoit eue, et
la furent mis tous les pennons des
chiefs des seigneurs qui ce jour furent
prins de la bataille pardevant l’imai
ge, je ne sçay se ilz y sont encores; et
puis s’en vint le duc a son hostel, et tous
les chevaliers, chascun se traist au sien, si comme
ilz estoient logiéz, et penssoyent de eulx
et de leurs prisonniers, car ilz penso
ient bien que ceulx paieroient l’escot.
Grant nouvelles fut en plusieurs
lieux de ce duc de Guerles qui a
voit ainsi ruéz jus les Braibançons, et
fut de tous plus doubtéz et honnouréz
que il n’estoit en devant. La duchesce de
Braibant, qui se tenoit au Bos le Duc a
tout son estat, quant elle vit que les
choses se portoyent mal et que le sie
ge de Grane estoit levéz fut toute cour
roucee, et bien y ot cause, car la cho
se luy touchoit de trop pres. Sy ordon
na garnison au Bos le Duc pour gar
der la frontiere, et puis s’en departy
et s’en retourna parmy la Campine
a Bruxelles, et la se tint un grant
temps, tant que elle ouy autres nou
velles; et escripsoit souvent de son
estat devers le duc de Bourgoingne
ou toute son esperance de recouvrier
estoit. Vous devéz bien croirre et savoir
que ces nouvelles qui advenues es
toient au duc de Guerles sus les Brai
bançons entre Grane et Roinestain
furent tantost sceues et avollees ou
royaulme de France, et par especial en
la court du roy. On n’en fist compte. Ou pb 422 r