Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 428 r | Next
pb 428 r

tant exploitta l’escuier angloys sans
estre apparceuz ne advisiéz que il vint
en celle eglise de Zedon ou ces seigneurs
estoient, et se bouta entre eulx ainsi com
me un servant fait aprés son maistre,
et sceut une grant part de leur entente.
Sus la fin du parlement il devoit par
tir et vouloit, et vint a un arbre ou il a
voit atachié par les resnes son cheval
et le cuida trouver; mais point ne le
trouva, car un Escot, qui sont grans
larrons, l’en avoit mené. Il n’osa son
ner mot et se mist au chemin tout de
pié et housé. Ainsi que il avoit eslon
gié ce moustier le trait de deux ars,
espoir, il y avoit aucuns chevaliers d’Escoce
qui la se devisoient ensemble. Dist l’un
d’eulx qui premierement s’y adonna:
"Je voy et ay veü merveilles. Veéz la un
homme tout seul qui a perdu son che
val, si comme je l’espoire, et mot n’en a
sonné. Par ma foy", dist il, "je faiz doubte
que il ne soit point des nostres. Or tost
aprés, assavoir se je diz voir ou non." Tan
tost chevaliers et escuiers monterent et che
vauchierent aprés lui et le raconsui
virent tantost. Quant il les senty
sur lui, si fut tous esbahiz et voulsist
bien estre ailleurs. Ceulx l’environne
rent qui la estoyent envoyéz et lui de
manderent ou il aloit ainsi, dont il ve
noit et quelle chose il avoit fait de son
cheval. Il commença a varier et ne res
pondi point bien a leur propos. Ilz le
retournerent et luy distrent que il
couvenoit que il alast parler a leurs
seigneurs. Ainsi fut il retournéz jus
ques au moustier de Zedon et presentéz
au conte de Douglas et aux autres qui
tantost le examinerent, car ilz virent
bien que il estoit Angloys. Ilz vouldrent

sçavoir la verité, qui la l’avoit envoyé.
Trop enviz le disoit; toutesfoiz il fut me
néz sy avant que on luy dist que, se il ne
disoit verité, sans mercy on lui trenche
roit la teste; et se il disoit verité, il n’auroit
garde de mort. La congnent il, pour sa
salvacion, que les barons de Northom
brelande l’avoient la envoyé pour sçavoir
l’estat de leur chevauchee et quelle part
ilz se vouloient traire. De ceste parolle
furent grandement les barons d’Escoce
resjouyz, et ne voulsissent pour nulle
riens que ilz ne l’eussent retenu et par
lé a luy. Adonc luy fut demandé quel part
les seigneurs de Northombrelande esto
yent, et se entre eulx estoit nulz apparans
du chevauchier, et lequel chemin en Es
coce ilz vouloient tenir, ou selon la mari
ne par Bervich et par Dombare, ou le hault
chemin par la conté de Montres et devers
Strumelin. Il respondi et dist: "Seigneurs,
puisque il couvient que je congnoisse ve
rité, je la vous diray. Quant je me de
party de eulx et du Neufchastel sur Thin,
il n’estoit encores nul apparant de leur
chevauchee, maiz ilz sont tous pour
veuz pour partir du jour a l’andemain,
et sitost que ilz sauront que vous che
vaucheréz et que vous entrerés en An
gleterre, ilz ne vendront point audevant
de vous, car ilz ne sont point gens asséz
pour combatre si grant puepple que on
dit en Angleterre que vous mettrés en
semble. " "Et quel nombre dist on en Northom
brelande", demanda le conte de Mouret, "que
nous serons?" "On dit, sire", respondi l’escuier,
"que vous serés bien XLM hommes et XIIC
lances, et pour brisier vostre fait, se vous
prennéz le chemin de Galles, ilz prendront
le chemin de Bervich pour venir par Dom
bare a Handebourch et a Dalquest, et se pb 428 v