The Online Froissart

Facsimile mode Settings Browse | Collate

armes, et estoit tous pourveuz et advi
siéz avecques ses compaignons de def
fendre le chastel se on les eust assailliz,
mais nennil. Quant les Angloys en virent
la maniere, ilz passerent oultre et re
tournerent en leur logeys, en la fortere
sce de Marceausnay. D’autre part, le sire
de Verby en Bloys estoit en son chastel au
dehors de la forest qui siet sur le chemin
de Dun et de Bloys et avoit le seigneur
de Verby grant foyson de chevaliers et d’escuiers
avecques lui qui tous estoient oubligiéz
au bien deffendre et garder le lieu, se ilz
estoient assailliz, et les vint veoir le sire
de Fil Watier¹²⁹, mareschal de l’ost, et sa route
non pour assaillir, mais pour parler
au chevalier a la barriere. Car bien le congnois
soit. Car ilz s’estoient veüz tous deux en
Prusse¹³⁰. Le sire de Fil Watier se fist congnoi
stre au sire de Verby, et lui pria que il lui
envoyast de son vin par sa courtoysie et
toute sa terre en seroit respitee de non ar
doir et de non estre courue. Le sire de
Verby lui en envoya bien et largement
et XXX blanches miches avecques, dont
le sire de Fil Watier lui sceut grant gre
et lui tint bien son couvenant.
SHF 2-164 sync A l’endemain du jour Nostre Dame on
fist armer Gauvain Miichailles
et Janekins Cator, et monter sur leurs
chevaulx pour parfaire leur emprise.
Si s’encontrerent de fers de glaives moult
roydement, et jousta l’escuier françoys
a la plaisance du conte moult bien, et
l’Angloys le fery trop bas en la cuisse tant
que il lui bouta son fer de lance tout oultre
la cuisse, de ce que il le prist si bas fut le
conte de Bouquighem tout courrouciéz.
Aussi furent tous les seigneurs, et distrent
que c’estoit trop mal honnourablement
jousté, depuis furent feruz les trois coups

d’espee, et fery chascun les siens. Adonc
dist le conte que ilz en avoient asséz
fait et vouloit que ilz n’en feissent
plus. Car il veoit l’escuier françoys
trop fort saigner. A ceste ordonnance
se tindrent tous les seigneurs. Si fut
Gauvains Michaille desarmés et
remuréz et mis a point, et lui envoya
le conte de Bouquighem par un he
rault en son logeys cent frans, et
lui donnoit congié de se retraire sainne
ment devers ses gens et lui mandoit
que il s’estoit bien acquittiéz. Si s’en
retourna Michaille devers les sei
gneurs de France qui se tenoient a
massé sus le paÿs en plusieurs lieux.
Et les Angloys se departirent de
Marceausnoy et prindrent le chemin
de Vendosme, mais avant ilz se logie
rent en la forest du Coulombier.
SHF 2-165 sync Vous sçavéz comment le roy Char
les de France qui se tenoit a Paris
traittoit quoyement et secretement
devers les bonnes villes de Bretaigne
a la fin qu’elles ne se voulsissent mie
ouvrir pour recueillier les Angloys
et la ou ilz le feroyent, ilz se forferoient
trop grandement, et seroit cilz forfaiz
inpardonnables. Ceulz de Nantes qui
est la clef des citéz et bonnes villes
de Bretaigne lui remanderent secre
tement que il n’en feust en nulle
doubte. Car aussi ne feroient ilz quel
que semblant ne quelque traittié que
ilz eussent envers leur seigneur, maiz
ilz vouloient, se les Angloys approu
choient que on leur envoyast gens
d’armes tant que pour bien tenir la
ville et les bonnes gens contre leurs
ennemys, de ce faire estoit le roy de
France en grant voulenté et l’avoit pb 43 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.