Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 435bis r | Next
pb 435bis r

yerent guides et chevaucheurs sus les
champs et sus les chemins du Neufchas
tel pour savoir se les Angloys se recueil
loyent ne remettoient ensemble, a la fin
que ilz ne feussent surprins en leurs
logeys. Et fut uns bons advis, car quant
l’evesque de Durem fut revenuz au Neuf
chastel et retraiz a son hostel et desarméz,
il fut moult pensifs et ne savoit que
dire ne que faire d’anuy, car il oyoit
dire que les enffans de Persy qui esto
yent ses cousins estoient mors ou prins,
et tous les chevaliers qui avecques eulx es
toient y fut. Sy manda les chevaliers et
les escuiers qui ou Neufchastel estoient,
et quant ilz furent venuz a son hostel,
il leur demanda se ilz lairoient la cho
se ainsi, et que trop grant blasme leur
advenoit quant ilz estoient retournéz
sans veoir leurs annemis. Dont eurent
ilz conseil que a l’eure de souleil levant
ilz se armeroient et ordonneroient, et se
departiroyent de la toutes gens a pié et
a cheval et s’en yroient a Otthebourch com
batre aux Escocs. Et tout ce fut signiffié
parmy la ville, et sonné a la trompette.
A l’eure qui mise y fut s’armerent toutes
gens et s’assemblerent en la place devant
le pont, et environ souleil levant ilz se
departirent du Neufchastel et yssirent
par la porte de Bervich et se mistrent sus
les champs, et prindrent le chemin de
Otthebourch, et estoient bien dix mille,
uns et autres, a pié et a cheval. Ilz n’eurent
pas esloingné le Neufchastel deux lie
ues quant les Escocs furent signiffiéz
que l’evesque de Durem, qui recueillette
avoit faitte, venoit sus eulx pour les
combatre, et le sceurent par les gar
des que ilz avoyent establies sus les
champs. Or fut infourméz messire

Mahieu Rademen qui retournéz estoit
au Neufchastel et qui avoit ja dit et recor
dé a plusieurs comment il lui estoit ave
nu a la bataille, et de messire Jaques de Lin
desee qui l’avoit prins et recreü, comment
l’evesque de Durem l’avoit encontré
et estoit son prisonnier, et le trouveroit ain
si, lui fut il dit, a l’ostel de l’evesque. Messire
Mahieu, sitrestost que l’evesque fut par
tiz et yssus hors du Neufchastel, s’en vint
a l’ostel de l’evesque veoir son maistre, et
le trouva ou il s’appuya tous pensifs a une
fenestre. "Quel chose faittes vous cy?" Messire
Jaques brisa son pensement et se trayst
vers luy et lui donna bonjour et respondi
a sa parolle: "Par ma foy, Rademen, adven
ture m’y a amené, car sitrestost que vous
vous feustes partys de moy, et je retour
noye mon chemin, je trouvay d’encontre
l’evesque de Durem, auquel je suis prison
nier si comme vous estes a moy. Je croy bien
que il ne vous fauldra point venir a Hain
debourch pour vous mettre a finance. Sy fy
nerons l’un parmy l’autre; mais que
mon maistre vueille, nous serons bien."
"D’accord", dist Rademen, "mais vous disnerés
huy avecques moy. L’evesque chevauche,
et noz gens, et vont combatre les vostres.
Je ne sçay comment la chose se portera,
nous le saurons au retour/" "Je le vueil",
dist Lindesee. Ainsi ces deux chevaliers se con
jouyrent au Neufchastel ensemble et
se recueillirent.
Quant les barons et chevaliers d’Escoce furent
infourméz que l’evesque de Durem
venoit et admenoit bien dix mille hommes,
si se trayrent en conseil ensemble pour
sçavoir comment ilz se maintendroient,
se ilz demourroient sus la place ou se ilz se
departiroient. Tout consideré, conseillé fu
pour leur honneur que ilz demourroient, pb 435bis v