The Online Froissart

Facsimile mode Settings Browse | Collate

pb 436 v

enffans, filz et fille, mais encores y avoit
asséz de ceulx de Douglas, car je en vy
jusques a cinq beaulx freres, tous escu
yers, qui portoyent le surnom de Dou
glas en l’ostel du roy David d’Escoce, et a
voyent esté enffans a un chevalier d’Escoce
qui s’appella messire James Douglas;
et croy bien que les armes Douglas qui
sont d’or a trois orilliers de gueulles leur
retournerent, mais de l’eritaige ne sçay
je. Et devéz sçavoir que messire Arce
bault Douglas, dont j’ay traittié en plu
sieurs lieux, com vaillans chevaliers et re
doubtéz qu’il feust des Angloys, estoit
bastart. ¶ Quant ilz orent fait a Mau
rés l’abbaye ce pourquoy ilz estoyent la
arrestéz, ilz se departirent les uns des
autres et prindrent congié ensemble,
et s’en retourna chascun en sa contree, et
ceulx qui prisonniers avoyent les em
menoyent ou reançonnoyent et recreo
yent. Et vous dy que en ce party d’armes
la, les Angloys trouverent les Escocs moult
courtoys, legiers et debonnaires en leur
delivrances et reançons, tant que ilz s’en
contempterent, ainsi que on me dist, ou
paÿs de Berne en l’ostel du conte de Foix,
Jehan de Chasteauneuf qui prins y a
voit esté dessoubz la banniere du conte
de la Mare et de Dombare, et il meismes
se louoit grandement du conte son mais
tre, car il l’avoit laissié passer ainsi que
il avoit voulu.
Ainsi se departirent ces gens d’armes,
et finerent les Angloys, et se rean
çonnerent au plus tost qu’ilz porent et
au plus courtoysement, et retournerent
petit a petit en leurs lieux. Il me fut dit,
et je le croy asséz, que les Escocs orent bien
pour deux cens mille frans de reançons
de prisonniers; ne depuis la bataille qui

fut devant le chastel de Strumelin en Es
coce que le roy Robert de Brux et messire
Guillaume de Douglas et messire Robert
de Versy, messire Symon Fresiel et les Es
cocs firent sus les Angloys, dont la cha
ce dura trois jours, ilz n’eurent nulle
journee de prouffit ne de victoire si gran
de comme ceste. ¶ Quant les nouvel
les vindrent en Galles dont la cité de
Carlion ou messire Arcebaulx Douglas
et le conte de Fii et le conte de Surlant et
la greigneur partie des Escocs se tenoient,
et ces seigneurs furent justement in
fourméz de la verité comment la besoin
gne de Otthebourch s’estoit portee, et le
grant conquest que leurs gens avoient
eu et fait sur les Angloys, sy en furent
grandement resjouyz, et courrouciéz
aussi de ce que ilz n’y avoient esté; et orent
conseil de eulx deslogier et retraire en
leur paÿs, puisque leurs gens estoient
retraiz. Sy se deslogierent de devant Car
lion et se mistrent au retour et rentre
rent en Escoce. ¶ Nous nous souffre
rons a parler des Escocs et des Angloys
pour le present, et retournerons au
jeune roy Charles de France qui de grant
voulenté et atout grant puepple s’en
alloit en Allemaigne pour mettre a
rayson le duc de Guerles.
SHF 3-292 sync Quant le roy de France et tout l’ost fut
passé oultre la riviere de Muese au
pont a Morsay, ilz prindrent le chemin
d’Ardanne et del’eveschié de Luxcembourc.
Tousjours estoient les ouvriers de
vant, qui abatoyent les boys et les
buissons et faisoyent les chemins on
nys. Moult estoit l’arroy du roy de Fran
ce grant et bient ordonnéz, et fort se doub
toyent de sa venue le duc de Juilliers
et ceulx de son paÿs, car ilz savoient pb 437 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.