The Online Froissart

Facsimile mode Settings Browse | Collate

pb 438 v

qui principaulment furent appelléz au
conseil du roy pour tout ce remoustrer
au duc de Juilliers, lui remoustrerent
a part et plusieurs autres raysons fon
dees sus ces articles, et tant que le duc
de Juilliers veoit bien que il couvenoit
que il le fesist; autrement sa terre estoit
toute gastee; acorda, jura et seella, et
demoura bons amys au roy et a ses on
cles, parmy tant que son paÿs fut res
pitéz de non estre courus ne exilliéz;
mais vivres, dont il y avoit habondance
ou plat paÿs, furent habandonnéz. Et
la devint homs le duc de Juillers au roy
de France, et releva la terre de Vierson se
ant entre Bloys et Berry, et souppa ce soir
qui fut par un jeudy a la table du roy de
France. Et seoit a la table premierement
l’evesque du Liege, l’arcevesque de Couloin
gne, le roy, le duc de Berry, le duc de Bour
goingne, le duc de Tourainne, le duc de
Juilliers et le duc de Bourbon.
SHF 3-293 sync Ainsi se porterent ces ordonnances,
et demoura en paix par le moyent
que je vous dy le duc de Juilliers, mais
le roy et les Françoys se logierent emmy
son paÿs que ilz trouverent bon et ream
ply de tous vivres. ¶ Or doubt le duc de
Juilliers aler devers son filz le duc de
Guerles, ainsi qu’il fist, mais ce ne fut
pas sitrestost. Sy advindrent aucuns
faiz d’armes ou paÿs, car ces Allemans,
qui sont convoiteux, s’abandonnoient
a la foiz de nuit ou de matin, et venoyent
les Françoys resveiller en leur logeys;
une foiz et prennoient, et l’autre foiz
estoient ilz prins, mais pour un Alle
mant qui prins estoit, les Allemans
en prennoient quatre, et firent un jour
leur monstre le connestable de France, le
sire de Coucy, le duc de Lorraine, le mares

chal de Blainville, messire Jehan de Vianne,
messire Guy de la Tremouille et bien
quatre mille hommes d’armes, et s’en
vindrent devant une ville en Guerles
que on dist Remoingne, et s’ordonne
rent et mistrent en arroy pardevant.
Pour ce jour le duc de Guerles estoit la
dedens qui prisa bien leur couvenant,
mais il ne fist nulle saillie sur eulx,
car il n’avoit pas gens asséz, dont il
luy anuioit. Et furent la ces gens de
France en ordonnance de bataille bien
quatre heures et, quant ilz virent que
nulz ne sauldroit sur eulx, ilz se depar
tirent et retournerent en leurs logeys.
Encores advint que du soir, ens ou
logeys du duc de Berry, aucuns chevaliers
et escuiers se recueillirent sus l’enten
te que pour chevauchier sus la terre
des annemis a l’adventure; et l’accor
derent et fiancierent tous ce soir l’un
a l’autre, et pouoient estre environ
cent lances. ¶ Quant ce vint au
matin, tout fut rompu. Or avoit la
un escuier d’Auvergne, vaillant homme
aux armes, qui s’appelloit Gourdinos,
et estoit dessoubz le seigneur de L’Aigre.
Quant il vit que on ne chevauche
roit point, si fut moult courrouciéz
et parla a aucuns compaignons, les
quelz estoient de bonne voulenté, et
fist tant que ilz s’accompaignerent
ensemble XXX lances et chevauchie
rent a l’adventure tout ce matin et
ne trouverent riens. Quant Gour
dinos, qui amoit et desiroit les armes,
vit que ilz retourneroient sans riens
faire, si fut moult courrouciéz et dist
a ses compaignons: "Or chevauchier
tout bellement. Je vueil aler", ce dist
il, "coustier ce boys que je voy, moy et pb 439 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.