Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 43 r | Next
pb 43 rXLIII

rechargié a son conseil, de tous ces
traittiéz estoit ainsi que tous mai
stres et souverains messire Jehan de
Buel depar le duc d’Anjou qui se tenoit
a Angiers. Le duc de Bourgoingne se
tenoit en la cité du Mans, par toutes
les bonnes villes et les chasteaulx de
la environ se tenoient les seigneurs,
le duc de Bourbon, le duc de Lorrainne,
le duc de Bar, le conte d’Eu, le sire de
Coucy, et tant de gens d’armes que
ilz estoient plus de six mille hommes
d’armes et disoient bien entre eulx
que voulsist ou non ly roys, que ilz
combatroient les Angloys ainçoys
que ilz eussent passee la riviere de Sar
tre qui depart le Mainne et Anjou et cetera.
En ce temps prinst une mala
die au roy de France dont ilz principaul
ment et tous ceulx qui l’amoient fu
rent moult esbahy et desconforté.
Car on n’y veoit point de retour ne
de remede que il ne lui convenist de
dens briefs jours passer oultre, et
bien en avoit il meismes la congnois
sance, aussi avoient ses cyurgiens
et ses medecins. Je vous diray pour
quoy et comment. Verité fut selon
la fame qui avoit couru que le roy
de Navarre du temps que le roy de
Navarre se tenoit en Normandie, et
que le roy de France estoit duc de
Normandie, il le voult faire enpoi
sonner et receust le roy de France le
venin et fut si avant menéz que tous
les cheveulx de la teste lui cheurent
et tous les ongles des mains et des
piéz, et devint aussi sec que un baston,
et n’y trouvoit on point de remede.
Son oncle, l’empereur de Romme
ouy parler de sa maladie. Si lui en
voya tantost et sans delay un maistre

medecin que il avoit deléz lui, le meilleur
maistre et le plus grant en science qui
feust en ce temps ou monde ne que on
sceust ne congneust, et bien le veoit
on par ses oeuvres.132 Quant cilz mai
stres medecins fut venuz en France deléz
le roy qui lors estoit duc de Normandie,
et il ot la congnoissance de sa maladie,
il dist que il estoit enpoissonnéz et en
grant peril de mort. Si fist adonc en
ce temps de cellui qui puis fut le roy de
France la plus belle cure de qui on eust
oncques ouy parler. Car il amorti tout
ou en partie le venin que il avoit pris
et receu sur luy et lui fist recouvrer che
veux et ongles et santé et le remist en
point et en force d’omme parmy tant
que cilz venins petit a petit luy yssoit
parmy une petite fistulle que il avoit
ou bras. Et a son departement, car on
ne le peust retenir en France, il donna
une recepte dont on useroit tant comme
il vivroit. Et bien dist au roy de France
et a ceulx qui deléz luy estoient: "Si trestost
que ceste petite fistule laira le couler et
seichera, vous mourréz sans point de
remede, mais vous aréz XV jours ou
plus de loisir pour vous adviser et
pensser a l’ame." Bien avoit le roy de France
retenu toutes ces parolles et porta ceste
phistulle XXIII ans, la quelle chose par
pluseurs foiz l’avoit moult esbay. Et les
gens ou monde pour sa santé ou il avoit
la greigneur fiance, ce estoit en bons mai
stres medecins, et ces medecins le con
fortoient et resjouyssoient moult souvent,
et lui disoient avecques les bonnes recep
tes que ilz avoient, qu’ilz le feroient tant
vivre par nature que bien devroit souf
fire. De ces parolles se contemptoit et
contempta le roy moult d’annees et fai
soit vivre en joye a la foiz sur leur fiance. pb 43 v