The Online Froissart

Facsimile mode Settings Browse | Collate

pb 449 v

de Camp estoyent pleiges. Et derechief la
duchiesce de Lancastre, pour sa chambre,
devoit avoir et tenir par an seize mille
frans, et sa fille et le filz du roy devoient
tenir le viaige du roy vivant tout le paÿs
de Gallice; et se devoit le jeune filz appeller
prince de Gallice. Comment la duchesce
de Lancastre se party du roy de Castille et
s’en ala a Nantueil pour refaire ensep
velir son pere et envoyer en la cité de Se
bille et comment le roy de France, les ducs
de Berry et de Bourgoingne envoierent
ambaxadeurs devers le conte de Foix pour
traittier du mariaige du duc de Berry.
Quant toutes ces choses furent faittes,
renouvellees et confermees, et le
mariaige confermé, la duchesce de Lan
castre laissa sa fille deléz le roy, et son jeu
ne mary qui pouoit avoir environ VIII
ans, et prinst congié au roy pour aler
devers Nantueil, si comme en devant elle
avoit proposé. Et luy donna le roy et la fist
convoyer et accompaigner des plus grans
de sa court. La dame vint a Nantueil et fist
tant par juste anqueste que elle sceut
de verité ou son pere fut jadiz ensepve
liz, si comme vous sçavéz et il est contenu
cy dessus en nostre histoire. Sy fut deffouiz
et les os prins et levéz et embauméz et
mis en un sarqueux et portéz en la cité de
Sebille; et vindrent toutes les processions
a l’encontre et au dehors de la cité. Sy furent
en la cathedral eglise ces os portéz, et la
mis moult reverentment; et lui fist ont tres
sollempnelment obsecque, et y fut le roy
Jehan de Castille et son filz le jeune prince
de Gallice et la greigneur partie des pre
las et des barons. Aprés cest obsecque
fait, chascun s’en retourna en son lieu. Le roy
de Castille s’en vint ou Val de Sorie, et son
filz et sa fille avecques luy, et la duchesce

de Lancastre s’en ala a Medine de Camp,
une bonne grosse ville dont elle estoit da
me par la confirmacion de la paix, et se
tint la un grant temps. ¶ Nous nous
souffrerons a parler d’elle et de Castille
tant que temps et lieu seront, et par
lerons du mariaige du duc de Berry et
d’autres incidences qui s’ensuivent.
SHF 3A-306 sync Le duc de Berry, madame Jehanne
d’Armignach sa premiere femme
trespassee de ce siecle, avoit grant yma
ginacion, et bien le monstra, que secondement
il feust remariéz. Car sitrestost comme il
pot veoir qu’il avoit failly, il ne fut onc
ques ayse, ne n’ot sejour, mais mist clercs
en oeuvre et messaigiers pour envoyer
devers le conte de Foix, qui avoit en gar
de la fille au conte Jehan de Bouloingne,
et avoit eue plus de IX ans. Et pour
tant que le duc de Berry a ce mariai
ge il ne pouoit venir, fors que par le
dangier du conte Gascoing, ne pour pere, pour
mere, pour pape, ne pour amys que
la damoyselle eust, riens n’en eust
fait se il ne luy feust bien venu a plaisan
ce. Il en parla au roy de France, son nep
veu, et au duc de Bourgoingne, son frere,
et leur prya moult affectueusement
que ilz s’en voulsissent chargier avec
ques luy et embesoingner. Le roy de Fran
ce en ot bon rys pour tant que le duc
de Berry son oncle estoit ja tous anciens,
et lui dist: "Beaulx oncles, que ferés vous
d’une telle fillette? Elle n’a que douze ans
et vous en avéz soixante. Par ma foy,
c’est grant follie pour vous de pensser
a telle chose. Faictes en parler pour Je
han, beau cousin vostre filz, qui est jeu
nes et a venir. La chose est mieulx pa
reille a lui que a vous." "Monseigneur," pb 450 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.