Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 4 v | Next
pb 4 v

le quel il tenoit a ennemy.11 Le conte de
Flandres rescripsi au roy et se excusa au
plus bellement qu’il pot, et bien le sceut
faire. Ceste excusance n’y valut riens
que le roy de France ne luy renvoiast
plus dures lettres en remonstrant que, se
il n’esloingnoit de sa compaignie le duc
de Bretaigne, son adversaire, il lui feroit
contraire. Quant le conte de Flandres
vit que c’estoit a certes, et que le roy de
France le poursuivoit de sy pres, si ot
advis de soy mesmes. Car il estoit moult
ymaginatifs, que il remonstreroit ces
menaces a ses bonnes villes, et par especial
a ceulz de la bonne ville de Gand, pour
savoir que ilz en respondroient, et envoya
a Bruges, a Yppre et a Courtray. Et se party
le duc de Bretaigne en sa compaignie
et s’en vint a Gand et se loga a la Poterne.
Si fu lyeement receu des bourgoys. Car
ad ce jour ilz l’amoyent moult deléz eulz.
Quant aucun bourgoys des bonnes
villes de Flandres qui envoyéz y furent,
ainsi que ordonné estoit, furent la touz
ensambléz, le conte les fist venir en
une place et la remonstrer par Jehan
de Faucille toute son entencion et lyre
les lettres que le roy de France depuis
deux moys lui avoit envoiees. Et
quant ces lettres orent esté leues, le
conte parla et dist: "My enffant et
bonnes villes de Flandres, par la grace
de Dieu, j’ay ja esté vostre seigneur long
temps et vous ay menéz et gouver
nés moult en paix a mon pouoir, ne
vous n’avez en moy veü nul contraire
que je ne vous aye tenu en toute pros
sperité, ainsi que un seigneur doit te
nir ses gens, mais il me vient a grant
desplaisance, et aussi doit il vous faire
qui estes mes bonnes gens, quant
monseigneur le roy me herie et veult herier

pour tant que je soustiens en mon
païs et tiens en ma compai
gnie le duc de Bretaigne, mon cou
sin germain, qui n’est pas pour le
temps bien amé en France, ne bonne
ment il ne s’ose asseurer en ses gens
de Bretaigne pour la cause de cinq
ou de six barons qui le heent, et veult
le roy que j’esloingne et boute hors
de mon hostel et de ma terre, ce lui
seroit grant estrangerie. Je ne dis mie,
se je confortoye mon cousin de villes,
de chasteaulx a l’encontre du royau
me de France que le roy n’eust bien
cause de soy plaindre de moy, mais
nennil, ne nulle voulenté n’en ay.
Et pour ce je vous ay cy assembléz
et vous remonstre les perilz qui en
pourront naistre et venir, se vous
vouléz demourer deléz moy." Ilz
respondirent tous d’une voix: "Mon
seigneur, ouyl, si ne savons aujour
d’uy seigneur, quel qu’il soit, se il vous
vouloit faire guerre, que vous ne
trouvissiéz dedens vostre conté de
Flandres IIC mille hommes tous ar
més." Ceste parolle resjouÿ grande
ment le conte de Flandres, et dist:
"Mes beaulx enffans, grant mercys."
Sur ces parolles se deffina le parle
ment, et se contenta le conte grande
ment de ses gens et leur donna con
gié de retourner en leurs maisons.
Si retourna chascun en paix. Et le conte,
quant il sceut que bon fut, il retour
na a Bruges, le duc de Bretaigne en
sa compaignie. Si demourerent les
choses en cel estat. Le conte fut
grandement en la grace de ses gens
et le paÿs en paix fut et prosperité,
qui depuis ne demoura gaires par
incidences merveilleuses qu’il ne feust pb 5 r