qui est de vostre droit demaine et heritaige, si
vous souffise a tant vostre seigneurie, maiz
que vous soyéz améz de voz gens de la
duschié de Bretaigne et des gens d’icelluy
paÿs qui ne relenquiront jamaiz le roy
de France pour servir et estre au roy d’An
gleterre. Se vostre femme est d’Angleter
re, quoy de ce? Vouléz vous pour ce perdre
vostre heritaige qui tant vous a cousté de
peine et de travail a l’avoir et tousjours
demourer en guerre? Vous ne pouéz que
un homme ou cas que le paÿs se veulst
clorre contre vous. Laissiéz vous conseil
ler. Le roy de France, espoir que vous n’a
viéz pas bien en grace ne il vous, est mors.
Il y a a present un jeune roy et bel et bon
esperit, et tel haÿ le pere, qui servira le
filz. Nous vous ferons vostre paix envers
luy et mettrons a accord. Sy demourrés
sires et duc de Bretaigne et en grant pu
yssance et les Angloys s’en retourneront
en leur paÿs." Telles parolles et plusieurs
autres toutes coulourees avoyent ces
barons dessus nomméz par moult de foiz
remonstré au duc et tant que ilz l’avoient
ainsi que demy conquis a faire leur vou
lenté, mais encores se faignoit il et dis
simulloit contre le roy de France et son
conseil et contre les Angloys tant que
il verroit a quelle fin il en pourroit ve
nir, et de tous ces traittiéz secréz et couvers
que ces quatre barons de Bretaigne qui
estoyent a Paris faisoient devers le roy
et ses oncles ne savoient riens le conte
de Bouquighem et les barons ne ne sceurent
jusques afin de ordonnance. Mais ain
çoys que ilz s’en perceussent ne que ilz
yssyssent hors de Bretaigne, il y ot un
fait d’armes et unes joustes devant Ven
nes present le conte de Bouquighem et
les seigneurs qui la estoient de laquelle