resjouys et enpristrent congié au conte
de Bouquighem et aux barons d’Angleter
re de y aler et y alerent et aucuns chevaliers
et escuiers en leur compaignie et jous
terent moult vaillamment les Angloys
et les Françoys et firent fait d’armes ainsi
que ordonnance se portoit. La furent requis
de messire Regnault de Thouars, de Jehan
de Chasteau Mourant et du bastart de Cla
rine chascun son chevalier et son escuier. C’est a
entendre le sire de Vertain, messire Jehan
d’Aubrecicourt et Edouart de Beauchamp.
Les trois Angloys qui en estoient en grant
voulenté et vouloient sur le saufconduit
du connestable aler au Chastel Josselin.
SHF 2-185 sync Comment le conte de Bouquighem voulst
que le fait d’armes se fist devant luy a
Vennes des Françoys et des Angloys.
Quant le conte de Bouquighem fut a
Vennes et entendi les requestes des
Françoys, si respondi et dist ainsi au herault:
"Vous dirés au connestable que le conte de
Bouquighem luy mande que il est bien aussi
puissant de donner et de tenir son saufcon
duit aux Françoys comme il est de donner
aux Angloys et que ceulx qui demandent
a faire fait d’armes a saufconduit viennent
a Vennes et il leur donra et ceulx que ilz
vouldront en leur compaignie pour l’amour
de eulx et ilz auront venant et retournant
saufconduit." ¶ Quant le connestable ouy
ceste responce il ymagina tantost que le
conte de Bouquighem avoit droit et que il
vouloit veoir le fait d’armes et que c’estoit
rayson que autant bien il en eust a Vennes
en sa presence comme il en avoit eu a Chas
teau Jossellin en la presence de la sienne.
Sy respondi quant il parla et dist: "Le conte
de Bouquighem parle comme vaillans
homs et filz de roy et je vueil qu’il en soit a
sa parolle. Or s’escripsent tous ceulx qui pb 54 v