respondy: "Je en aray advis, et ainçoys que
je me parte, je vous en signiffieray aucu
ne chose. Et se il est ainsi que ce ne se puis
se faire bonnement maintenant et que
mes seigneurs qui cy sont dessoubz qui
je suis ne le me veullent accorder, moy
retourné a Chierebourch, trayéz vous a
Valoingne signiffiéz moy vostre venue tan
tost et incontinant, je m’en yray vers vous
et vous delivreray." "Nennil, nennil," dist
Jehan, "n’y queréz nulles esloingnes, je vous
ay offert tant de sy honnourables offres
que nullement vous ne vous pouéz partir
a vostre honneur se vous ne faittes cy fait
d’armes quant je vous en requier." ¶ En
cores Nicholas de ces parolles fut plus cour
roucié que devant. Car il luy et voir estoit
que cilz parloit grandement contre son
honneur. A ce coup se retrayrent dedens
le chastel les Françoys, et les Angloys se re
trayrent a leurs hostelz et se disnerent.
¶ Quant les compaignons françoys, che
valliers et escuiers, furent retournéz de
dens le chastel, vous poués bien croire et
sçavoir que ilz ne se teurent pas des pa
rolles d’armes que Jehan Boucinel avoit
faittes et presentees a Nicholas Cliffort
et tant que le connestable en ot la cong
noissance. Si penssa sus un petit, et lors
luy prierent les chevaliers et les escuiers qui
la estoyent que il voulsist rendre peine
ad ce que ce fait d’armes se feyst. Et le con
nestable, quant il les ouy, respondi: "Vou
lentiers."
SHF 2-192 sync Quant ce vint aprés disner, les chevaliers
angloys qui la estoient et qui partir
se vouloyent, s’en vindrent ou chastel devers
le connestable pour le veoir et parler a
luy. Car il leur devoit bailler du mains
un chevalier qui les devoit mener et condui
re tout leur chemin parmy Bretaigne