The Online Froissart

Facsimile mode Settings Browse | Collate

pb 58 v

connestable de France et aux chevaliers et escuiers
qui la estoient. Sy vindrent a leurs hostelz,
tout estoit troussé et appareillié. Sy mon
terent et partirent du Chastel Josselin et che
vauchierent devant eulx pour aler a Pont
Torson et au Mont Saint Michiel, et estoient
ou convoy et en la garde de ce gentil chevalier le
Barroys des Barres qui oncques ne les lais
sa ne en Bretaigne ne en Normandie. Si
furent rentréz en Chierebourch. Ainsi se de
party l’armee du conte de Bouquighem par
mer et par terre. ¶ Or retournerons nous
aux besoingnes de Flandres en la saison que
le conte de Bouquighem fist son voyaige
parmy France, et comment ceulx de Gand
se maintindrent, et aussi du conte Loÿs de
Flandres, leur seigneur, comment il perse
vera sur eulx et leur fist guerre sur eulx
moult forte durement. SHF 2-193 sync Comment la
guerre recommença entre le conte de Flan
dres et les Flamens, et comment ceulx d’Yp
pre furent desconfis par une embusche.
Bien est verité que le conte de Flandres¹⁴³
a ce commancement ne craignoit
ne ne doubtoit les Gantoys que trop petit
et les penssoit bien a soubzmettre par sens
et par armes petit a petit puis que Jehan
Lyon et Jehan Prouniaulx estoyent mors,
mais les Gantoys avoient encores de
grans cappitaines esquelz ilz avoyent
grant fiance, et par lesquelz ilz ouvroient
du tout, et estoit Rasses de Harselle cappi
taine de ceulx de la chastellerie de Gand
et Jehan de Launoy cappitaine de la chastel
lerie de Courtray. Encores y estoit cappi
taines Jehan Boulle, Pierre du Boys, Arno
ul Clerc, et Pierre le Wutre. ¶ En ce temps
s’esmeut un comptens et un mautallent
entre les gros et les menuz de Bruges.
Car les menuz mestiers vouloient faire
a leur entente et les gros ne le peurent

souffrir, si revelerent et en y ot de
foulons et de tysserrans mors une
quantité et le demourant se appay
sierent. Dont manderent ceulx
de Bruges le conte qui estoit a Lisle que
pour Dieu il venist vers eulx¹⁴⁴. Car ilz
le tenoient a seigneur et estoient mais
tres des petis. Le conte de Flandres
entendi voulentiers ces nouvelles,
et se departy de Lisle, messire Guillaume
de Namur en sa compaignie et grant
foyson de chevaliers et d’escuiers de Flandres
et s’en vint a Bruges ou il fut receuz
a grant joye parmy le bon conseil
que il ot adonc, et furent prins a Bru
ges a la venue du conte, tous ceulx
principaulx qui avoyent les cuers
gantoys et qui en estoyent souspeççon
néz de l’avoir esté et en furent mys en
la Pierre en prison plus de cinq cens
lesquelz petit a petit on decolloit. Quant
ceulx du Franc entendirent que le
conte de Flandres estoit paisiblement
a Bruges, si se doubterent et se mistrent
tantost en la mercy du conte. Lesquelz
il prinst et en ot grant joye. Car son
pouoir encroissoit tous les jours et
aussi ceulx du Franc, ont tousjours
plus esté de la partie du conte que
tout le demourant de Flandres. Quant
le conte se vit au dessus de ceulx de Bru
ges et du Franc et que il avoit desso
ubz luy chevaliers et escuiers du paÿs de
Haynault et d’Artoys, sy se advisa que
petit a petit il reconquerroit son pa
ÿs et pugniroit les rebelles et pre
mierement il ordonna et dist que
il vouloit aler veoir ceulx de Yppre.
Car il les hayoit trop grandement
de ce que ilz ouvrirent leurs portes
si legierement devant ceulx de Gand, pb 59 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.