Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 5 v | Next
pb 5 v

Pol et celle jeune dame s’enamourerent
loyaulment ly uns de l’autre, et estoient
ensemble a la foiz en dances et en karolles
et en esbatemens, tant que on s’en apparceut.
Et s’en descouvry la dame, qui amoit le jeune
conte de Saint Pol ardaument, a madame
sa mere. Si fut adoncques traittiéz uns
mariages entre le conte de Saint Pol et
madame Mahault de Hollande, et fut mis
le conte a finance a VIXX mil frans, des
quelx, quant il aroit espousee la dame,
on lui en rabatroit LX mille. Et les autres
LXM il payeroit. Et pour trouver la finan
ce, quant les couvenances furent prinses
entre le conte et la dame, le roy d’Angle
terre fist grace au conte de Saint Pol de
rapasser la mer et de retourner sur sa
foy dedens l’an. Si vint le conte en France
veoir le roy et ses amis et le conte de Flan
dres et le duc de Braybant et le duc Au
bert, ses cousins, qui le conjouyrent lyee
ment. Le roy de France en cel an fut in
fourméz trop dur sur le conte de Saint
Pol. Car on le mist en souspecçon que il
devoit livrer et rendre aux Anglois
le fort chastel de Bouhain, et le fist le roy
saisir de main mise et bien garder, et
monstra le roy que le conte de Saint Pol
vouloit faire envers lui aucuns mau
vais traittiéz, ne oncques ne s’en peust
excuser. Et pour ce fait furent en prison
ou chastel de Mons en Haynault messire
le Chanoine de Robersart, le sire de Vertaing,
messire Jaquemes du Sart et Gerart
d’Obies, depuis se diminuerent ces choses
et alerent toutes a neant, car on ne peut
riens prouver sur eulx et furent deli
vrés, et le jeune conte de Saint Pol s’en
retourna en Angleterre pour lui ac
quitier envers le roy, et espousa sa femme
et fist tant que il paya les LXM frans
en quoy il estoit obligiéz. Et puis passa

la mer, mais point n’entra en France,
car le roy l’avoit en hayne. Si alerent
demourer le conte et la contesse sa
femme ens ou chastel de Hen sur Heure,
que le sire de Moriaumés, qui avoit sa
suer espousee, leur presta. Et la se tin
drent, tant que le roy Charles de France
vesqui. Car oncques le conte, le roy
de France vivant, ne peust retourner
a son amour.15 Nous nous souffrerons
a parler de ceste matiere et retourne
rons aux besoingnes de France.
SHF 2-92 sync En ce temps se tenoit toute Bretai
gne close, tant que pour le roy de France
que l’un contre l’autre. Car les bonnes
villes de Bretaigne estoient asséz de
l’accord du duc et avoient les pluseurs
grant merveille que on demandoit
a leur seigneur, et aussi estoit de leur
accord plusieurs chevaliers et escuiers de Bre
taigne, et la contesce de Penthievre,
mere aux enffans de Bretaigne, par
aliance avecques eulx.16 Mais le conne
stable de France, messire Bertran du Gues
clin, le sire de Cliçon, le sire de Laval,
le visconte de Rohen et le sire de Roche
fort tenoient le paÿs en guerre avec
ques la puissance qui leur venoyent
de France.17 Car a Ponttorson et a Saint
Malo de l’Isle et la environ avoit grant
foison de gens d’armes de France, de
Normandie, d’Auvergne et de Bourgon
gne, lesquelz y faisoient moult de des
roiz. Le duc de Bretaigne, qui se tenoit
en Angleterre, estoit bien infourméz
de ces advenues, et comment le duc
d’Anjou, qui se tenoit a Angiers, lui faisoit
destruire et guerroyer son paÿs, et com
ment les bonnes villes se tenoient
closes ou nom de lui et aucuns chevalier
et escuier de Bretaigne, dont il leur
savoit grant gre.18 Mais nonobstant pb 6 r