Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 62 r | Next
pb 62 rLXII

Harselles et luy manda que il feust con
fortéz, et que les gens du conte estoient
sus les champs. Rasse de Harselle assem
bla bien six mille hommes de ceulx de
Gand et se mist aux champs vers Gau
vre, et ne trouva la point Jehan de Launoy
mais le trouva a Donze ou il pilloit tout
le paÿs d’autre part la riviere. Adonc se
remistrent ilz ensemble et cheminerent
ce jour et trouverent ceulx de Audenar
de et de Donze qui s’en alloyent devers le
conte. Sy les assaillirent et en occirent
bien six cens, et n’estoit point le sire d’An
ghien en ceste compaignie, mais estoit
aléz devers le conte qui estoit logiéz sus
les champs entre Donze et Bruges. Quant
les nouvelles en vindrent au conte et
au seigneur d’Anghien que ceulx de
Audenarde avoient receu tel dommai
ge. Si en furent moult courrouciéz. Et
fut adonc ordonné que le sire d’Anghien
se partiroit atout quatre mille hommes
et s’en venroit a Gauvres la ou on espe
roit que Jehan de Launoy estoit, mais
il estoit retrait a Gand atout son pillai
ge et son butin et ses prisonniers, mais
de ce n’avoit il mie grant foyson. A l’en
demain se departirent ilz et Rasse de Har
selle atout dix mille hommes, et orent
en propos de aler a Donze, mais quant
ilz furent sur les champs on leur dist
que le sire d’Anghien atout bien qua
tre mille hommes y estoient et que le
conte n’y estoit point encores venu, si
les vouloient combatre. Ce propre jour
que Rasse de Harselle yssy de Gand en
yssi aussi Pietre du Boys atout six mil
hommes et Arnoul Clerc en sa compai
gnie, et vindrent ardoir les faulxbourcs
de Courtray et abatre les moulins qui
estoient au dehors de Courtray, et puis

s’en retournerent vers Donze pour revenir
a leurs gens, mais ce fut trop tart. Car
quant Jehan de Launoy et Rasse de Harselle
furent a Nievulle ilz trouverent le conte
et toute sa puissance logié sus les champs
qui n’attendoit autre chose que ilz feussent
venuz156. Ainsi se trouverent ces deux osts
du conte et des Gantoys sans ce que au
matin sceussent riens l’un de l’autre. Quant
Rasse de Harselle et Jehan de Launoy virent
que combatre les couvenoit, si ne s’effray
erent point, mais se mistrent en bon cou
venant et rengierent sus les champs et se
mistrent en trois batailles, et en chascune ba
taille avoit deux mille hommes tous har
dis et adventureux compaignons des
plus habilles et couragieux de la ville
de Gand, et autant en avoit Pietre du
Boys et Arnoul Clerc qui estoient sus le
paÿs et riens ne sçavoient de ceste adve
nue que leurs gens se deussent comba
tre. Et au departir de Gand ilz avoient prins
ordonnance et couvenant ensemble que
se ilz trouvoyent le conte ne sa puissan
ce, ilz ne se combatroyent point l’un sans
l’autre. Car chascune bataille ilz n’estoient
point fort asséz et tous ensemble ilz es
toient fors asséz pour combatre autant
de gens trois foiz que ilz estoient, et tout
ce avoient ilz juré et fiancié ensemble.
Pietre du Boys, et au voir dire Rasse, eust
bien arresté a non combatre sitrestost se
il voulsist. Car se il se feust voulu tenir
en la ville en attendant Pietre du Boys,
le conte ne ses gens ne les eussent jamaiz
requis la dedens. Mais si trestost que Ras
se sceut la venue du conte, par orgueil
et par grandeur il se mist sus les champs
et dist en soy meismes que il combatroit
ses annemis et en auroit l’onneur sans
attendre Pietre du Boys et les autres. Car pb 62 v