The Online Froissart

Facsimile mode Settings Browse | Collate

pb 64 rLXIIII

l’occirroyent et puis au conte leur
seigneur s’appointteroyent et s’accor
deroient et se mettroient du tout en
sa mercy. Je croy que se ilz eussent ain
si fait, ilz eussent bien ouvré et feus
sent legierement venuz a paix mais
point ne le firent dont ilz le compare
rent depuis et aussi fist toute Flandres
ne encores n’estoit point a ce jour la
chose la ou elle devoit estre ne les
grans maulx de Flandres se sachiéz
ainsi que il fut depuis et si comme
je vous recorderay avant en l’istoire.¹⁶⁰
Aprés la desconfiture qui furent pour
ce jour mort et desconfit a Nieule, et
Rasse de Harselle et Jehan de Launoy
mort. Le conte de Flandres entendi que
Pietre du Boys et une bataille de Gan
toys estoient sus les champs et s’en
raloyent a Gand. Adonc s’arresta
le conte et demanda conseil a ses che
valliers se on les yroit combatre, on
luy respondi en conseil que pour ce
jour on avoit asséz fait et que ses gens
estoient tous lasséz et les couvenoit
reposer. "Mais sire, ce seroit bon que
de VC ou six cens hommes d’armes
tous bien montéz vous les feyssiéz
poursuivir pour sçavoir leur couve
nant, ilz pourroyent bien ce soir ge
sir que nous serions a leur desloge
ment." Le conte s’enclina a ce conseil
et fist ainsi. Tantost furent ordon
néz ceulx qui seroyent en ceste che
vauchee et en fut le sire d’Anghien
meneur souverain. Sy monterent
a cheval environ VC lances et se de
partirent de Nieule et du conte et
pristrent les champs et chevauchie
rent a le couverte pour veoir les Gan
toys, et tant alerent que ilz les virent

avaler un tertre, et estoient tous serrés
et en bon couvenant et cheminoyent le
bon pas sans eulx desrouter. Le sire d’An
ghien et sa route les poursuivoyent
de loing et sur cousté. Pietre du Boys et les
Gantoys les veoyent bien mais nul sem
blant d’eulx desrouter ne faisoient, et
disoit Pietre du Boys: "Alons nostre chemin
et le bon pas et point ne nous desrou
tons, se ilz se boutent en nous, nous les
recueuldrons, mais je croy bien que ilz
n’en ont nulle voulenté. " Ainsi chemi
nerent les uns et les autres sans riens
faire jusques a Gand, que le sire d’Anghi
em retourna devers le conte et Pietre
du Boys et ses gens rentrerent en Gand.
Adoncques fut Pietre du Boys accueillis
de plait et sur le point d’estre occis pour
la cause de ce que il n’avoit autrement
conforté Rasse et ses gens. Pietre s’escu
sa et de verité, et dist que il avoit bien
mandé a Rasse que nullement il ne se
combatist sans luy. Car le conte estoit
trop poissamment sus les champs et
il fist tout le contraire: "Se il en est mes
avenu, je ne le puis admander. Et sa
chiéz que je suis aussi courrouciéz de
la mort Rasse et aussi douillant que nulz
pueent estre. Car la ville de Gand y a per
du un tresvaillant et saige cappitaine.
Sy nous en fault requerre un autre
ou mettre du tout en la voulenté du conte
et en son obeyssance qui nous fera tous
mourir de malle mort, regarder lequel
vous vouléz faire ou parseverer en ce
que vous avéz commancié ou mettre
en la voulenté et mercy de monseigneur."
Pietre ne fut adoncques point responduz,
mais tant que de la bataille et advenue
de Nieule et de la mort de Rasse il fut ex
cuséz et descoulpéz, dont pour ce que on pb 64 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.