The Online Froissart

Facsimile mode Settings Browse | Collate

pb 64 v

ne le respondy point, il se contempta mal
et sus aucuns grans bourgoys qui la pre
sens estoyent les plus riches et les plus
nottables de la ville telz que sire Glise
brest Gente et sire Symon Bette, il n’en
fist adonc nul semblant, mais il leur
remonstra durement en l’année ainsi
que vous orrés avant recorder en l’istoire.
SHF 2-204 sync Quant le sire d’Anghien et le sire de Mon
tegny, le Hazez de Flandres et leurs
routes furent retournéz a Nieule devers
le conte et ilz orent recordé ce que ilz avo
ient veü, le conte se departy de Nieule et
s’en retourna vers Bruges et renvoya ses
bonnes villes et ceulx du Franc et les sei
gneurs d’Anghien et les Haynuyers en
garnison en Audenarde. Quant ceulx
de Gand entendirent que le conte s’estoit
retraiz a Bruges et que il avoit donné
congié a toutes ses gens, sy se resmeurent
par l’esmouvement de Pietre du Boys qui
leur dist: "Alons devant Courtray et ne
nous reffroidons pas de faire guerre,
monstrons que nous sommes gens de
fait et d’emprise. " Adonc se departirent
ilz de Gand plus de XVM et s’en vindrent
moult estoffeement devant Courtray
et y mistrent siege la feste et la processi
on de Bruges seant l’an mil IIIC IIIIXX et un,
et furent la dix jours et ardirent tous
les fauxbourcs de Courtray et le paÿs
d’environ¹⁶¹. ¶ Quant le conte en sceut
nouvelles il remanda tous ses gentilz
hommes et ceulx des garnisons et les
communs d’Yppre et du Franc et se departy
de Bruges et se trouverent sus les champs
plus de XXVM. Dont se mistrent ilz au
chemin pour venir vers Courtray et com
batre les Gantoys et lever le siege. Quant
Pietre du Boys et les Gantoys entendirent
que le conte venoit vers eulx si efforciee

ment, sy n’orent mie conseil que de
l’attendre la a siege et se departirent et
et s’en allerent logier a Donze et Nieule
et distrent que la ilz attenderoyent le
conte et signiffieroient la leur estat a
ceulx de Gand et remanderoyent l’arrie
reban pour estre plus fors et plus de
gens. Sy se departirent encores de
Gand bien XVM hommes et s’en vindrent
devers leurs gens devant Nieulle et
a Donze et se logierent tous sus les champs
en attendant le conte. Quant le conte
fut venuz a Herlebecque deléz Courtray,
il entendi que les Gantoys estoient par
tis de la et retraiz vers Gand et logiéz
a Donze et a Nieulle. Sy n’eut mye con
seil adonc le conte du poursuivir et
donna congié a ses gens d’armes et a
ses communes et en laissa une grant
quantité a Courtray et renvoya le sei
gneur d’Anghien et les Haynuiers et
son filz bastart le Haze en Audenarde
en garnison. ¶ Quant Pietre du Boys
et les Gantoys virent que le conte ne
venoit mie vers eulx, sy se departirent
de Donze et de Nieulle et pristrent le che
min pardevers Audenarde pour reve
nir par la a Gand. Sy envoierent ce jour
que ilz passerent vers Audenarde une
quantité de leurs gens desquelz Ar
noul Clerc estoit cappitaine et s’en vin
drent ceulx escarmouschier jusques
aux bailles de la ville, les chevaliers et les
escuiers qui la dedens estoyent ne se
porent abstenir que ilz ne venissent
escarmouschier a eulx, et en y ot des
mors et des bleciéz de une part et d’au
tre. A celle foiz ceulx de Gand ne conquistrent
point planté a l’escarmousche et s’en
retournerent avecques leurs gens
a Gand et se retraÿst chascun en son hostel. Trois jourspb 65 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.