The Online Froissart

Facsimile mode Settings Browse | Collate

pb 65 rLXV

Trois jours aprés fut ordonné Arnoul
Clerc a venir a Gauvres atout douze cens
des Blancs Chapperons, et lui fut le chas
tel et la chastellerie de Gauvres bail
lee par maniere de garnison pour
faire frontiere a ceulx d’Audenarde, sy
y vint Arnoul Clerc a toute sa route
et se tint la, gaires ne fut ce mie quant
il entendi que aucuns chevaliers et escui
ers qui se tenoient en Audenarde esto
yent yssus hors a l’adventure. Adonc
se departy il de Gauvres avecques ses
gens et estoient bien en nombre XVC.
Sy se mistrent en embusche sus ceulx
qui au matin estoient yssus hors d’Au
denarde, le sire d’Escornay, le sire de Rem
seflies, messire Jehan Villains, le sire
d’Anghien, le Gallois de Maminez, le
bastart d’Escornay, messire Blanchart
de Callemie et plusieurs autres, ain
si que ces chevaliers et escuiers qui avoient
pris leur retour revenoient a Aude
narde et l’embusche leur sailli au de
vant. La en y ot des ratains et des ruéz
jus et occis. Car ilz ne prennoient nul
luy a mercy, la vindrent aux chevaliers et
aux escuiers leurs chevaulx bien a
point. Car ilz brochierent des esperons
et retournerent vers Audenarde. Et
ainsi que ilz venoient devant les bail
les, ilz descendoyent et se mettoient a
deffense et attendoient leurs gens et
leurs varléz, mais ilz ne peurent onc
ques sy nettement rentrer en la ville
que il n’en y eust des mors et des ble
ciéz plus de soixante. ¶ Et quant ilz
orent faitte leur empainte, Arnoul
Clerc retourna ce soir a une abbaye pres
de la que on nomme Ham. Si trouve
rent ces Gantoys en la ville de Ham Pi
erres d’Escunehus et le Gallois de Ma

minez et environ cent compaignons de
leur route. Si assaillirent l’abbaye ou
ilz s’estoient traiz, a grant peine se sauva
le Gallois de Maminez et se party par der
riere et entra en un batel et s’en vint par
nuit a Audenarde et compta au seigneur
d’Anghien, au seigneur de Montegny, a
messire Daniel de Halluin et aux chevaliers qui
la estoient comment ce soir Arnoul Clerc
et les Blancs Chapperons estoient entréz
en la ville et en l’abbaye de Ham et avoient
occis leurs compaignons, et bien pens
soyt que Pierre d’Escunehus estoit mort.
Et voirement le fut il. Car Arnouls Clerc
et ses gens le firent saillir des unes fe
nestres emmy la place et le recueilli
rent a glaives et l’occirent, dont ce fut
grant dommaige. SHF 2-205 sync Comment les Blancs
Chapperons et leurs cappitaine furent oc
cis. Et comment Phelippe d’Artevelle fut
esleu cappitaine de Gand.
Quant les chevaliers et escuiers qui en Au
denarde se tenoient entendirent
que Arnoul Clerc et les Blancs Chapperons,
environ XIIC que il avoit adonc de sa
charge, estoient arrestéz a Ham et mors
leurs compaignons et prins l’abbaye, si
en furent moult courrouciéz et advisie
rent que ilz envoyeroient celle nuit leurs
espies celle part pour savoir se a l’andemain
ilz y seroyent trouvéz, ainsi comme ilz le
ordonnerent, ilz le firent. Leurs espies
rapporterent au matin que les Blancs
Chapperons s’ordonnoient pour demourer
la ce jour, dont les seigneurs furent res
jouy. ¶ Adonc s’armerent le sire d’An
ghien, le sire de Montegny, le sire de Lene,
le sire de Brefueil, messire Michiel de la
Hamaide et plus de VC chevaliers et escuiers
de Haynault et bien autant de Flandres
et de Audenarde environ trois cens lances pb 65 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.