The Online Froissart

Facsimile mode Settings Browse | Collate

pb 65 v

et plus de mille, que arbalestriers que gros
varléz et vindrent a Ham. Quant ilz doub
rent approuchier Ham, ilz envoyerent de
vant messire Daniel de Halluin atout C
lances pour approuchier et commancier
le hustin et atraire hors de l’abbaye Arnoul
Clerc et aussi pour attendre les gros var
léz et arbalestriers qui venoyent tout
de pié et pour eulx mettre en ordonnance.
Messire Daniel et messire de Disquemue
et le Hazez de Flandres s’en coururent devant
esperonnant et entrerent en la place de
vant l’abbaye d’Eham en escriant: Flan
dres au lyon. Au bastart! Ces Gantoys ne
se donnoient de garde de ceste embusche.
Car il estoit encores asséz matin, si n’esto
ient mye tous appareilléz, nonpourquant
ceulx qui avoient fait le gait la nuit
se mistrent ensemble et recueillirent et
ensonnierent les chevaliers et leurs gens qui
la venoient et entrementes s’armoient
les autres. Avant que Arnoul Clerc pe
ust avoir remis toutes ses gens ensem
ble, le sire d’Anghien, le sire de Lens, le sire
de Briffueil , le sire d’Escornay, le sire de
Montegny et leur bataille entrerent
par derriere en la ville, en escriant: An
ghien au seigneur! et se bouterent de grant
voulenté en ces Gantoys et ces Blancs
Chapperons qui point ne durerent mais
se ouvrirent et ne tindrent point de con
roy ne d’ordonnance. Des XIIC en y ot bien
que mors la que en l’abbaye que sus les
champs XIC et y fut occis Arnoul Clerc
en fuyant de deux picques tout parmy
le corps et la appuiéz contre une haye. A
prés ceste desconfiture retournerent le
sire d’Anghien et les autres chevaliers en Aude
narde et tindrent ceste besoingne a grant
prouesce, et sachiéz que le conte de Flan
dres qui pour ce temps se tenoit a Bruges,

quant il en sceut les nouvelles gran
dement resjouyz dist du seigneur d’An
ghien: "Par ma foy, il y a en luy un bon
enffant et qui sera encores un vail
lant homme." Au voir dire du seigneur
d’Anghien c’estoit tout le cuer du conte
de Flandres et ne l’appelloit mie son
cousin mais son beau filz.
SHF 2-206 sync Quant les nouvelles furent venues
a Gand que Arnoul Clerc estoit
mors et leurs gens desconfis, si se com
mancierent les plusieurs a esbahiz
et a dire entre eulx: "Noz besoingnes se
portent mal, petit a petit, et nous oc
cist on noz cappitaines et noz gens,
nous avons mal exploittié de avoir
esmeu guerre contre nostre seigneur
le conte. Car il nous usera tous pe
tit a petit, mal nous retournera les
haynes de Gisebrest Mahyeu et de Jehan
Lyon, nous avons trop soustenu et es
levé les oppinions de Jehan Lion et
de Pietre du Boys. Ilz nous ont bouté
sy avant en ceste guerre et en ceste
hayne envers le conte nostre seigneur
que nous n’y pouons ne sçavons trou
ver voye de mercy ne de paix. Encores
vouldroit il mieulx que XX ou XXX
le comparassent que toute la ville."
Ainsi disoyent les plusieurs en re
quoy l’un a l’autre. Car generaulment
n’estoit ce mie, pour la doubte des mau
vais qui estoient tous d’une sexte, et
qui s’eslevoient en poyssance de jour
en jour qui en devant estoient pouvres
compaignons et sans nulle chevan
ce. Or avoyent ilz or et argent asséz.
Car quant il leur en failloit et ilz s’en
complaignoyent a leurs cappitaines,
ilz estoient ouyz et tantost confortéz.
Car on advisoit aucuns simples hompb 66 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.