Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 75 r | Next
pb 75 rLXXV

nemue une, ceulx d’Estaffort une, ceulx
de Line une, et vous perdonne tout ce que
vous avéz fait jusques a ores, mais
que vous suivéz mes bannieres et en
raliéz en voz lieux sur l’estat que j’ay
dit." Ilz respondirent touz: "Ouyl." Ainsi
se departy ce puepple et rentra en Lon
dres, et le roy ordonna plus de XXX clercs
ce vendredy qu’ilz escripsoyent lettres
a pouoir et seelloyent et delivroyent a
ces gens, et puis se departoyent ceulx
qui ces lettres avoyent et s’en ralloyent
en leurs nacions. Mais le grant ve
nin demouroit derriere, Waucre Tieul
lier, Jaques Strau et Jehan Balle, et di
soyent, quoyque ce puepple feust ap
paisiéz, que ilz ne se partiroient pas
ainsi, et en avoyent de leur accord plus
de XXXM. Sy demourerent en Londres
et ne pressoient point trop fort a avoir
lettres ne seaulx du roy, mais metto
yent toute leur entente a bouter un tel
trouble en la ville que les riches hommes
et les seigneurs feussent mors et leurs
maysons fustees et pillees et bien s’en
doubtoyent ceulx de Londres. Pour ce se
tenoyent ilz pourveuz dedens leurs
hostelz tout quoyement de leurs var
léz et de leurs amys, chascun selon sa pu
yssance. Quant cilz puepples fut
ce vendredy appaisiéz et retraiz a Londres
et que on leur delivroit lettres seellees
a tous léz et que ilz se departoyent sitres
tost que ilz les avoyent et en ralloyent
vers leurs villes, le roy Richart s’en
vint en la Riolle en la Garderobe la Roy
ne, dist on, ou la princepce sa mere es
toit retraitte toute effrayee. Sy la recon
forta ainsi que bien le sceut faire, et
demoura avecques elle toute celle nuit.
Encores vous vueil je recorder de une

adventure qui advint par ces maloittes
gens devant la cité de Nordvich et par
un cappitaine que ilz avoyent que on ap
pelloit Guillaume Histier, lequel es
toit de Scaffort.
SHF 2-221 sync Le propre jour du Sacrement que
ces mescheans gens entrerent en
Londres et que ilz ardirent l’ostel de Savo
ye et le moustier et la maison de Saint
Jehan de l’Ospital du Temple et que la prison
du roy que on dit Maugate fut par eulx
rompue et brisee et tous les prisonniers
delivrés et que ilz firent tous ces desroys
que vous avéz ouy recorder, estoient ceulx
des contrees que je diray. Premiere
ment d’Escaffort, de Line et de Cantebruge,
de Besteforde et de Gernemue tout eslevé
et assemblé et s’en venoyent vers Londres
a leurs compaignons, car ainsi l’avoient
ilz ordonné et estoit leur cappitaine un
garnement qui s’appelloit Listier. En leur
chemin ilz s’arresterent devant Nordvich
et en venant ilz en faisoyent aler avec
ques eulx toutes gens, ne nulz villains
ne demouroit derriere. La cause pour
quoy ilz s’arresterent devant Nordvich,
je le vous diray. Il luy avoit un chevalier cap
pitaine de la ville qui s’appelloit messire
Robert Salle. Point gentilhomme n’estoit,
mais il avoit la grace, le fait et la renom
mee de estre saiges et vaillans homs
aux armes, et l’avoit fait pour sa vaillan
ce le roy Edouart chevalier, et estoit de mem
bres le mieulx tournéz et le plus fort
homme de toute Angleterre. Listier et
ses routes s’avisierent que ilz emmen
royent ce chevalier avecques eulx et en fero
yent leur souverain cappitaine, et sy
en seroyent plus cremuz et mieulx a
méz. Si luy envoyerent dire que il venist
aux champs parler a eulx ou ilz assaulpb 75 v