The Online Froissart

Facsimile mode Settings Browse | Collate

pb 7 r

Cilz arbalestriers entoise et trait
un quarreau et assene le portier de
droitte visee en la teste et lui embarre
tout ens, le portier qui estoit navréz
a mort se sent ferus et rentre en
la porte, et cuida refermer le guichet
en rentrant, mais il ne pot. Car
il cheÿ la tous mors. Aymerigos
et ses compaignons se hasterent
a la porte et entrerent ou guischet,
si trouverent mort le portier et sa
femme deléz lui toute effrayee,
a la quelle ilz ne firent nul mal, maiz
lui demanderent ou le chastellain
estoit, elle respondi que il estoit en
Clermont, les compaignons asseure
rent la femme de sa vie affin que elle
leur baillast les clefs du chastel et
de la maistre tour, elle le fist. Car
en elle n’y avoit point de deffense, et
puis la mistrent hors et lui rendirent
toutes ces choses, voire ce que porter
en peut, si s’en vint a Saint Fleur, une
cité a une lieue de la, lesquelz furent
moult esbahiz, quant ilz sceurent
que Aloise estoit aglesche et aussi
furent ceulz du paÿs environ. ¶ Asséz
tost aprés reprinst Aymerigos Mar
chis le fort chastel de Vallon et l’embla
par eschiellement. Et quant il fut
dedens, le cappitaine dormoit en la
grosse tour qui n’estoit mie a prendre
de force. Car par celle tour se pouoit
tous ly chasteaulx recouvrer. Adonc
s’avisa Aymerigos d’un soubtil tour.
Car il tenoit le pere et la mere du
cappitaine, si les fist venir devant
la tour et leur fist semblant que
il les feroit la decoler se leur filz ne
rendoit la tour, les bonnes gens doub
toient la mort: si distrent a leur filz

qui estoit en la tour qui il lui en preist
pitié de eulx, et pleuroient tous deulx
moult tendrement, li escuier s’en atenry
grandement et n’eust jamais son pere
ne sa mere laissié mourir. Si rendi
tantost la tour et on les mist et bouta
hors du chastel. Ainsi demoura Valon
anglesche, qui moult greva le paÿs.
Car toutes manieres de gens qui
vouloient mal faire se retraioient
ou en Confusiel a deux lieues de Limo
ges ou en Carlac ou en Aloise ou en
Ventadour et en plusieurs chasteaulx
autres. Et quant ces garnisons s’as
sambloient, ilz pouoient bien estre cinq
ou six cens lances. Et couroient tout
le païs et la terre au conte dauphin
d’Auvergne, qui leur estoit voisine,
ne nul ne leur aloit au devant tant
qu’ilz feussent ensemble. Bien est verité
que le sire d’Achier leur estoit un grans
ennemis. Aussi estoient le sire de Soller
tel et le bastart de Sollertel son frere
et un escuier de Bourbounoys qui s’ap
pelloit Gourdinés. Cilz Gourdinéz par
beau fait d’armes et d’un rencontre
prinst I jour Aymerigot Marchis
et le raençonna a cinq mille frans,
tant en ot il. Ainsi se porterent les faiz
d’armes en Auvergne et en Lymosin,
et ens es mettes pardela. SHF 2-96 sync Du scisme
qui fut fait en l’Eglise et la maniere
comment, et des gens d’armes bre
tons qui guerroyent ceulx de Romme,
et de la royne de Naples qui rendi
sa terre en la main du pappe Clement.
Je me sui longuement tenus
a parler du fait de l’Eglise. Si
m’y vueil retourner. Car la matiere
le requiert, vous avéz bien cy dessus
ouy dire et recorder comment par pb 7 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.