ne se oublia mie le sire d’Anghien, mais le
vint servir a tout ce qu’il pot avoir de gens
et estoit bien accompaigniéz de chevaliers et d’es
cuiers de la conté de Haynault. Si vint le
conte mettre le siege devant Gand au léz
devers Bruges et au léz devers Haynault.
Sy y ot fait le siege durant et estant, main
tes escarmousches et yssoyent souvent au
cuns legiers compagnons de Gand qui a
loyent a l’adventure, dont aucuneffoiz ilz
estoient reboutéz a leur dommaige et a
la foiz aussi ilz gaingnoyent. Et celluy
qui le plus de faiz d’armes y faisoit et qui
le plus de renommee en avoit, c’estoit le
jeune sire d’Anghien. En sa compaignie
et en sa route se mettoyent voulentiers
par usaige tous jeunes bachelers qui de
siroyent les armes. Et s’en vint le sire d’An
ghien a bien IIIIM hommes tous bien mon
téz sans ceulx de pié mettre le siege de
vant la ville de Grantmont, car elle
estoit gantoyse. Autrerfoiz y avoit le sire
d’Anghien esté et eulx travailléz et heriéz
mais riens n’y avoit conquesté. ¶ Or
y vint a celle foiz poyssamment et par
grant ordonnance et le fist par un dimen
che assaillir a plus de XL lieux, et il meis
mes a l’assault ne se faigny mie, mais
s’i esprouva de grant voulent, et bouta hors
ce jour a cel assault premierement sa
banniere. Cest assault fut grant et fort
et bien continuéz, et la ville de tous léz
assaillie si aigrement et sy ouniement
que a heure de nonne elle fut prinse et
conquise, et entrerent dedens par les
portes qui furent ouvertes et abatues,
le sire d’Anghien et ses gens. ¶ Quant
ceulx de Grantmont virent que leur vil
le estoit perdue et que point de recouvrier
n’y avoit, sy s’en fouyrent ceulx qui po
rent, par autres portes au contraire de pb 82 v