mille frans, lesquelz on leur paya et de
livra, et les departirent ensemble a bustin.
Et le sire d’Anghiem fut rapportéz en l’ost
et puis fut renvoyéz en la ville d’Anghien
dont il avoit esté sires.
SHF 2-231 sync Pour la mort du jeune sire d’Anghien,
c’est vraye chose se deffist le siege
de devant Gand, et si s’en party le conte, et
s’en retourna a Bruges et donna congié
a celle saison a toutes manieres de gens
d’armes et les envoya ens es garnisons
de Flandres, ens ou chastel de Gauvres,
en Audenarde, en Tenremonde, a Courtray
et partout sur les frontieres de Gand.
Et manda le conte aux Lyegoys pour
ce qu’ilz confortoyent les Gantoys de vi
vres de pourveances, que plus ne les
assiegeroit, mais qu’ilz ne voulsissent
en Gand envoyer nulz vivres. Ceulx
du Liege respondirent orgueilleusement
aux messagiers qui envoyéz y furent
que de ce faire ilz auroient advis et con
seil, et ceulx de Sainteron, de Huy et de Di
gnant, le conte n’en pot autre chose a
voir. Touteffoys, le conte de Flandres
envoya devers ses cousins le duc de
Braibant et le duc Aubert de Haynault
grans meissaiges de ses plus saiges
chevaliers qui leur remonstrerent depar
luy que la ville de Gand se tenoit en son
erreur et en sa mauvaistié par le grant
confort que les gens de celle ville avo
ient de leurs paÿs, de vivres et de pour
veances qui leur venoient tous les
jours et qu’ilz y voulsissent pourveoir
de remedde. ¶ Ces deux seigneurs, qui
enviz eussent ouvré et exploittié a la
desplaysance de leur cousin le conte, se
excuserent moult bellement et luy respon
dirent que en devant de ces nouvelles
ilz n’en avoyent riens sceu et aroient pb 83 v