The Online Froissart

Facsimile mode Settings Browse | Collate

pb 89 rIIIIXX IX

de France et a son conseil, que grace luy
fut faitte et bons saufconduit donné de
passer ou il luy plairoit et les siens, feust
parmy le royaulme de France ou sus
les frontieres, en alant jusques a Calais,
et furent les Normans qui se tenoient
sur mer remandéz. Tout ce rapporte
rent les dessus diz chevaliers en Braibant
au duc et a la duchesce, et leur rescrip
soit le roy et ses oncles que a leur prie
re et contemplacion et non d’autruy ilz
faisoient celle grace a leur cousine de
Behaigne. ¶ Ces nouvelles pleurent
grandement au duc de Braibant et a la
duchesce et a tous ceulx qui passer la
mer vouloyent. Si se ordonnerent et de
partirent de Bruxelles et prist la dame
congié a son oncle et a sa belle ante et aux
dames et damoyselles du paÿs qui ac
compaignee l’avoyent, et sy la fist le duc
convoyer a bien cent lances, et passerent
tout parmy Gand et y reposerent un
jour, et firent les Gantoys ce qu’ilz po
rent d’onneur a la dame, et vint de la
a Bruges. Et la receut le conte de Flan
dres moult hounnourablement, et s’y
refreschirent trois jours, et puis pas
serent oultre et chevauchierent tant
qu’ilz vindrent a Gravelines. Entre
Calays et Gravelines estoyent les con
tes de Sallebery et de Donnestre a VC lan
ces et autant d’archiers, qui la l’atten
doyent. Sy l’emmenerent a Calays.
Adonc retournerent les Braibançons
quant ilz l’eurent delivree aux barons
d’Angleterre.
SHF 2-244 sync Ceste jeune dame ne sejourna
gaires a Calais quant elle ot vent
a voulenté. Sy entrerent en leurs
vaisseaulx un mercredy au matin, et ce
jour ilz arriverent a Douvres. La se re

posa et refreschy la dame deux jours. Au
tier jour, elle party et vint a Saint Thomas
de Cantorbie, et la trouva elle le conte de
Bouquighem qui la receut moult gran
dement. Tant exploitta celle dame qu’el
le vint a Londres ou elle fut receue treshon
nourablement des bourgoys, des dames
et des damoyselles du paÿs et de la ville,
qui la estoyent toutes assemblees con
tre sa venue. Sy l’espousa le roy en la chap
pelle du palais de Wesmoustier, au XXe
jour de Noel et y furent au jour des espou
sailles moult grandes les festes. Et tous
jours fut en sa compaignie depuis qu’elle
fut a Trec en Allemaigne ce gentil et loyal
chevalier messire Robert de Namur, jusques
a tant qu’elle fut espousee, de quoy le roy
d’Angleterre luy sceut grant gre. Aussy fist
le roy d’Allemaigne. Sy mena le roy d’An
gleterre sa femme a Windesore, et la tint
son estat grant et bel. Sy furent moult
joyeusement ensemble et se tenoit ma
dame la princepce deléz sa fille, la jeune
royne. Et aussi pour ce temps y estoit la
duchesce de Bretaigne suer du roy Richart,
que son mary le duc de Bretaigne ne pou
oit ravoir, ne les barons d’Angleterre ne
le conseil du roy ne le vouloient nulle
ment consentir que on la renvoyast,
pour tant qu’il estoit tournéz françoys,
et disoient communement en Angleterre
les barons et les chevaliers: ¶ Ce duc de Bre
taigne s’acquitta lubrement et faulce
ment envers le conte de Bouquighem
et noz gens du derrenier voyaige qu’ilz
firent en France et il remande sa femme.
Nous ne luy envoyerons pas, mais en
voyons luy ses deux annemys, Jehan et
Guy de Bretaigne, qui furent enffans
a saint Charles de Bretaigne, qui on meil
leur droit en la duschié de Bretaigne qu’il pb 89 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.