veulst que vous viengéz parler au
conte de Savoye." Il respondi: "Dieu y ait
part !" Adonc s’en vint il en la tente du
conte et le varlet luy dist: "Monseigneur,
veez cy le maistre que monseigneur
vous envoye". ¶ Quant le conte le vit,
si en ot grant joye. Sy luy demanda:
"Maistre, dittes vous pour certain que
vous nous feréz avoir le chastel de
l’Uef a sy bon marchié?" "Par ma foy,"
respondy l’enchanteur, "Monseigneur,
ouyl. Car par oeuvre pareille, je le
fiz jadis avoir a celluy qui est dedens,
messire Charles de la Paix, et la royne
de Napples et sa fille et son mary mes
sire Robert d’Artois et messire Othés de
Bresvich, et je suis l’omme ou monde
maintenant que messire Charles res
oingne le plus." "Par ma foy," dist le conte
de Savoye, "vous dittes bien, et je vueil
que Charles de la Paix saiche qu’il a
grant tort s’il vous craint, car je l’en
asseureray, ne jamaiz vous ne ferés
enchantement pour decepvoir lui
ne autre, ne je ne vueil pas qu’il nous
soit reprouchié ou temps ad venir,
que en si hault fait d’armes que nous
sommes et tant de vaillans hommes,
chevaliers et escuiers assembléz, que nous
ouvrions par enchantement ne que
nous ayons par tel art noz annemis ."
Adonc appella il son varlet et luy dist:
"Prennéz un bourreau et luy faittes
trenchier la teste." Tantost que le con
te ot ditte ceste chose ce fut fait, on lui
trencha, au dehors des logeys, la teste.
Ainsi fina ce maistre enchanteur et
fut payéz de ses loyers. ¶ Nous nous
souffrerons a parler du duc d’Anjou
et de ses gens et de leur voyaiges, et
retournerons aux besoingnes de Portinpb 92 r