Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 97 r | Next
pb 97 rIIIIXX XVII

la (il n’y avoit que la montaigne a pas
ser), bien accompaigné de ceulx de son
cousté, de messire Mahieu de Gour
nay, de messire Guillaume de Beau
champ, de messire Thomas Symon,
de messire le Souldich, du seigneur de
Chastel Neuf, du sire de la Barde et des
autres, et estoient bien cent chevaulx
sus la place ou les armes devoient es
tre faittes. Et estoient ja venuz mes
sire Tristam de Roye bien accompaignéz
de Françoys et de Bretons. Il et Milles
de Windesore savoient bien quelle
chose ilz devoient faire. Sy fut Milles
fait chevalier de messire le Souldich de l’Estar
de pour le meilleur chevalier de la place et
qui le plus avoit travaillié et s’estoit
trouvéz en belles besoingnes. Ilz estoy
ent armés de toutes pieces et avoient
leurs trois lances toutes prestes et leurs
chevaulx aussi et tout en plattes sel
les. Adoncques s’esperonnerent l’un
contre l’autre et abaissierent leurs
glaives et se consuivirent en venant
l’un sur l’autre moult roydement, et
rompirent contre leurs poitrines leurs
lances et passerent oultre franche
ment sans cheoir. Ceste premiere
jouste fut voulentiers veue de tous
ceulx qui la estoient et prisierent moult
les deux chevaliers. A la seconde foiz ilz re
couvrerent et s’entr’encontrerent de
grant randon et rompirent leurs
lances, mais point de dommaige ne
se porterent. Adonc retournerent ilz
le tiers coups de lance, et se consuivirent
emmy les escuz si roydement que les
fers qui de Bourdeaulx estoyent, entre
rent ens et percierent la piece d’acier,
les plattes et toutes les armeures jus
ques a la char, mais point ne se blecie

rent, et rompirent les lances en gros
tronçons et voulerent par dessus les he
aumes. Ceste jouste fut moult prisee des
chevaliers d’une part et d’autre, et adonc prin
drent ilz congié l’un a l’autre moult hon
nourablement et s’en retourna chascun de
vers son léz et depuis n’y ot riens fait d’ar
mes, car paix estoit entre les deux roy
aulmes, et s’en rallerent chascun en leurs
lieux, et les Portingalloys et Espaignolz
aussi en leurs lieux.
SHF 2-261 sync Ainsi que vous pouéz ouyr recorder
se desrompy en celle saison ceste ar
mee et assemblee des Espaignolz, des
Angloys et des Portingalloys. En ce
temps estoient venues nouvelles en
l’ost du roy d’Espaigne que le roy de Gre
nade avoit guerre contre le roy de Barba
rie et le roy de Tramesaumes, pour quoy
toutes gens d’armes qui celle part traire
se vouldroient, ilz seroient receuz a gaiges,
et leur envoioit le roy de Grenade bon sauf
conduit et leur faisoit savoir par ses mes
saiges que eulx venuz en Grenade il leur
feroit prest pour un quartier d’an. Dont
aucuns chevaliers de France qui se desiroient
a avancier, telz que messire Tristans de
Roye, messire Gieuffroy de Chargny, filz
au bon Gieuffroy de Chargny qui fut
jadiz, messire Pierre de Velinnes, messire
Robert de Clermont et plusieurs autres
pristrent congié du roy damp Jehan de
Castille et s’en allerent celle part pour
trouver les armes. Et aussy y ot aucuns
Angloys, mais planté ne fut ce pas, car
le conte de Cantebruge les ramena ar
ieres en Angleterre et son filz aussi, et
monstroit qu’il se departoit du roy mal
contempt, pour tant qu’il ramenoit son
filz arrieres en Angleterre, qui avoit es
pousee la fille du roy de Portingal, ne pour pb 97 v