"Treshonnouree et chiere dame, par vostre
grant humilité, plaise vous avoir pitié
et compassion de ceulx de la ville de Gand
qui ne pueent venir a mercy devers leur
seigneur ne nul moyen ne s’en ensoingne.
Et vous, treschiere dame, se par un bon mo
yen il vous plaisoit a entendre a ceste be
soingne parquoy nostre sire le conte voulsist
descendre a rayson et avoir pitié de ses gens,
vous feriéz grant aumosne et noz bons
amys et voysins de Liege y entenderont
voulentiers, la ou il vous plaira a enssoin
gnier." Adonc respondy la duchesce moult
humblement et dist que de la discencion
qui estoit entre son frere le conte et eulx elle
estoit courroucee et que voulentiers de
grant temps y eust mis attrampance
se elle eust peu ne sceu. "Mais vous avéz
le conte tant de foiz courroucié et sy a
véz tant de merveilleuses oppinions
tenues contre luy que ce le soustient en
son aÿr. Nonobstant tout ce, pour Dieu
et pour pitié, je m’en ensoingnieray vou
lentiers et envoyeray devers luy en lui
priant qu’il vueille venir a Tournay et
la je envoyeray de mon plus especial con
seil et vous ferés tant aussi que vous
auréz le conseil de Haynault avecques
celluy du Liege que vous dittes qui vous
est appareillié." "Ouyl madame," ce respon
dirent ilz, "car ilz le nous ont promis." "Or
bien," dist la duchesce, "et je feray tant que
vous vous en apparceuréz." Adonc respon
dirent ilz: "Madame, Dieu le vous puist me
rir au corps et a l’ame !" Aprés ces mots
ilz prindrent congié a la dame et a son
conseil et se partirent de Bruxelles et s’en
vindrent vers leurs gens et leur charroy
qui les surattendoit. Sy exploittierent
tant qu’ilz approuchierent
la bonne ville de Gand. pb 99 v