Gap: sampling
SHF 1-18 sync
Comment messire Hue Despensier le filz fut executé par ses demerites. Trezieme chapitre.
Quant la feste fut passee le dit
messire Hue Despensier quy point n’estoit amé la endroit fut pardevant la
royne amené et tous les barons et chevalliers qui la estoient assambléz. Illec lui furent recordéz tous ses fais par escript et oncques ne dist riens a l’encontre. Si fut jugié par plaine science depar les barons et chevalliers a estre justicié par telle maniere comme vous orréz. Premierement il fut traynné
sur ung bahu a trompes et a trompettes par toute la
ville de Harfort, de rue en rue. Et puis fut amené en une grant
place en la
ville la ou tout le
poeuple estoit assamblé. La endroit fut il lyé hault sur une eschielle, si que chascun, petis et grans, le pouoient veoir et avoit on fait en la ditte place ung grant feu. Quant il fut ainsi lyé, on luy coupa tout premierement le membre et les genitoires pour tant qu’il estoit herité et sodomite, ainsi que l’en disoit meismement du
roy et pour tant
avoit le
roy dechacié la
royne ensus de luy et par son enortement. Et quant le membre et les genitoires luy furent copees, on les jetta ou feu pour ardoir. Aprés luy fut le coeur coupé hors du ventre et jetté ou feu pour tant qu’il estoit faulz et trahitre de coeur et que par son traittre conseil et enhortement le
roy avoit honny
son royaulme et mis a meschief. Et avoit fait decoler les plus grans barons d’
Angleterre, par lesquelz le
royaulme devoit estre soustenu et deffendu. Et avec ce il avoit si enorté le
roy qu’il ne pouoit ne vouloit veoir la
royne, sa femme, ne
son ainsné filz, qui devoit estre leur seigneur. Ains les avoit dechaciés pour doubtance de leurs corps hors du
royaulme d’Angleterre. Aprés, quant le dit
monseigneur Hue fut ainsi atourné comme dit est, on luy trencha la teste et fut envoie en la
cité de Londres. Puis fut son corps party en quatre quartiers et furent
tatost envoiéz aux
quatre meilleurs citéz d’Angleterre
aprés Londres.
SHF 1-19 sync
Aprés ceste justice faitte ainsi que vous avéz ouy, la royne et tous les
seigneurs
Gap: sampling pb 10 v