ilz sont nostres." Adont prindrent ung
cry les
Escotz. Et me semble que tous
devoient crier Douglas !
Saint Gille !
pour cause de la place et de icelle
montaigne qui s’appelle Saint Gille.
Ilz n’eurent pas chevauchié demi
lieue quant ilz veirent de
loing
leurs
ennemis, et les
Angloiz eulz. Adont
congneurent
ilz l’une partie et l’autre
que combatre les convenoit. La fist
le conte de Douglas son filz messire
James chevallier et lui fist lever
baniere. Et la fist il
chevalliers
deux des filz du roy d’Escoce, messire
Robert, et messire David, et tous deux
leverent baniere. Et y eut
fait
sur la place environ trente chevalliers
de la partie des
Escotz, et ung chevallier
de Suede qui s’appelloit messire Jorge
de
Wesuede, et porte d’argent a ung
fer de moulin de gueles a une bor
dure
endentee. Et de Mesuede.
D’autre part messire Thomas fist son
filz, messire Thomas, chevallier, et
autres de son hostel, et de
sa congnoissance.
Aussi firent le sire de Staffort, et le
sire de Grascop. Si ordonnerent leurs
archiers, et misrent sus elle et fut
ce jour le cry des
Anglois Nostre Dame !
Arleton ! La commença ce rencontre
grant et fort, et archiers a traire
et a
occuper gens d’armes. Mais
touteffois les
Escots estoient grant
foison.
Si ne pouoient mie les
Angloiz a tout entendre. La eut fait entre
ces
chevalliers et escuiers de l’une
partie et d’autre mainte jouste, et
mainte belle appertise d’armes. Et
plusieurs hommes reverséz jus de leurs
chevaulx,
fait mainte prise et mainte
rescouse. De premieres venues messire
Arcembault de Douglas, qui estoit grant
chevallier, et puissant de corps, et de ses
ennemis redoubté, quant il deubt ses
adversaires approchier, mist piet a
terre et prist
a son usage une longue
espee qui avoit d’alemelle bien deux
aulnes, a
paine le peuist ung autre
homme lever sus de terre. Mais elle ne
luy coustoit neant a
manier. Et en
donnoit les coups si grans que tout
ce qu’elle acconsievoit il mettoit par
terre. Et n’y avoit si hardi ne si joly
de la partie des
Anglois qui ne
doubtast
ses horions. La eut fiere bataille et
dure et fort combatue de ce
qu’elle dura,
mais ce ne fut mie plenté. Car les
Escots estoient III contre ung et tous
gens de fait. Je ne dy pas que les
Angloiz ne s’i portassent vaillamment, et
y firent foison de belles armes.
Mais finablement ilz furent desconfiz
et obtindrent les
Escots le champ.
Et
furent prins messire Thomas Monse
grave et son filz, et plusieurs
autres
chevalliers et escuiers. Et eurent les
Escots bien VI
XX bons prisonniers. Et
dura la chace jusques la
riviere de
Tinde.
Et la en y eut de mors de ceulx
de piet grant planté. Si se retrairent
les
Escots aprés celle desconffiture sur
leur paiis. Et
eurent conseil que ilz
pb 132 v