s’en yroient tous devers
Haindebourg.
Car ilz sçavoient par leurs prisonniers
que le conte de
Northomberllande et
le conte de Notinghem estoient sur
le paiis pardela
le Tinde sus le chemin
de
Rosebourg. Et estoient gens
asséz
pour combatre les
Escots et toute leur
puissance pourquoy leur
chevauchie
se pouoit bien derompre pour eulx traire
a sauveté et garder leurs
prisonniers.
De ceste chose faire et du retraire sans
sejour furent ilz bien conseilliéz,
car
se ce soir ilz fuissent retournéz a leurs
logis de Homderay, ilz
estoient en
d’estre tous ruéz jus comme je vous diray.
SHF 2-32 sync
Comment le conte de Northombrelande fut adverty de la prinse de ses compagnons. Et comment l’armee des Anglois et des Escots se deffist. Et plusieurs incidens du
temps. Le chapitre C LXVIIe.
Le conte de Northomberlande
et le conte de Notinghem
et les barons d’
Angleterre,
quant ilz se departirent de
Bervich et
de monseigneur Thomas Monsegrave
et ilz furent venus
sus les champs
a l’encontre de
Rosebourg, furent par
leurs espies
infourméz que les
Escots que ilz demandoient a trouver et a
combatre,
estoient logiés a Haindebray,
dont ilz estoient tous resjouiz. Et
avoient
jetté leur advis que de nuit
ilz les venroient escarmuchier. Et
venoient la ce propre nuit
qu’ilz s’en
estoient partis les
Escots. Mais il
plut si fort et si
onniement que ilz
ne peurent parfurnir leur emprinse.
Et se logierent
par les boiz jusques
a l’endemain. Et quant ce vint au
jour derechief ilz envoierent leurs
espies a savoir ou les
Escots estoient.
Et ceulx qui envoiéz y furent,
raporterent
que les
Escots estoient partis et que
ilz n’en avoient nulz
trouvéz. Adont
eurent ilz conseil qu’ilz se trairoient vers
Miauroz
pour la oyr nouvelles de
messire Thomas Monsegrave et de
leurs
compaignons.
¶ Quant ilz
se furent disnéz et raffreschiz eulx
et leurs chevaulx, ilz
chevaucherent
tout contreval la
riviere de Tinde en
venant vers
Miauroz. Et avoient
leurs coureurs envoiéz pardela l’
eaue pour
savoir se nulles nouvelles ilz
pourroient aprendre. Droit aprés
la desconfiture du
recontre du Champ
Saint Gille que dit est, iceulx coureurs
trouverent de leurs
gens qui fuioient
comme gens desconfiz, si recorderent
de la bataille ce
qu’ilz en savoient.
Adont retournerent iceulx coureurs
a leurs maistres. Et amenerent
avecques eulx tous les fuians, si leur
recorderent au plus pres qu’ilz peurent
la
verité des
Anglois, et des
Escots et de la bataille. Bien sçavoient que
leurs gens estoient desconfis, mais
ilz ne pouoient savoir lesquelz
estoient
ou mors ou prins. Quant iceulx
seigneurs de
Northombrelande entendirent ces nouvelles, ilz furent
plus pensieuz que devant et a bonne
pb 133 r